ויהי כאשר חזקה הממלכה בידו ויך את עבדיו המכים את המלך אביו׃

ואת בני המכים לא המית ככתוב בספר תורת משה אשר צוה יהוה לאמר לא יומתו אבות על בנים ובנים לא יומתו על אבות כי אם איש בחטאו ימות׃

ואת בניהם לא המית כי ככתוב בתורה בספר משה אשר צוה יהוה לאמר לא ימותו אבות על בנים ובנים לא ימותו על אבות כי איש בחטאו ימותו׃

בימים ההם לא יאמרו עוד אבות אכלו בסר ושני בנים תקהינה׃

כי אם איש בעונו ימות כל האדם האכל הבסר תקהינה שניו׃

הנפש החטאת היא תמות בן לא ישא בעון האב ואב לא ישא בעון הבן צדקת הצדיק עליו תהיה ורשעת רשע עליו תהיה׃