ושמרת את חקיו ואת מצותיו אשר אנכי מצוך היום אשר ייטב לך ולבניך אחריך ולמען תאריך ימים על האדמה אשר יהוה אלהיך נתן לך כל הימים׃

כבד את אביך ואת אמך כאשר צוך יהוה אלהיך למען יאריכן ימיך ולמען ייטב לך על האדמה אשר יהוה אלהיך נתן לך׃

למען תירא את יהוה אלהיך לשמר את כל חקתיו ומצותיו אשר אנכי מצוך אתה ובנך ובן בנך כל ימי חייך ולמען יארכן ימיך׃

כי ארך ימים ושנות חיים ושלום יוסיפו לך׃

ארך ימים בימינה בשמאולה עשר וכבוד׃

שמע בני וקח אמרי וירבו לך שנות חיים׃

כי בי ירבו ימיך ויוסיפו לך שנות חיים׃

ייראוך עם שמש ולפני ירח דור דורים׃

לעולם אשמור לו חסדי ובריתי נאמנת לו׃

ושמתי לעד זרעו וכסאו כימי שמים׃

לא יהיה משם עוד עול ימים וזקן אשר לא ימלא את ימיו כי הנער בן מאה שנה ימות והחוטא בן מאה שנה יקלל׃

אשרי האיש וקדוש הוא אשר חלקו לקום בתחיה הראשונה באלה לא ישלט המות השני כי אם יהיו כהנים לאלהים ולמשיחו וימלכו אתו אלף שנים׃