Deutéronome 11:8
ושמרתם את כל המצוה אשר אנכי מצוך היום למען תחזקו ובאתם וירשתם את הארץ אשר אתם עברים שמה לרשתה׃
Deutéronome 11:22
כי אם שמר תשמרון את כל המצוה הזאת אשר אנכי מצוה אתכם לעשתה לאהבה את יהוה אלהיכם ללכת בכל דרכיו ולדבקה בו׃
Deutéronome 6:17
שמור תשמרון את מצות יהוה אלהיכם ועדתיו וחקיו אשר צוך׃
Psaumes 119:4
אתה צויתה פקדיך לשמר מאד׃
Deutéronome 4:29
ובקשתם משם את יהוה אלהיך ומצאת כי תדרשנו בכל לבבך ובכל נפשך׃
Deutéronome 6:5
ואהבת את יהוה אלהיך בכל לבבך ובכל נפשך ובכל מאדך׃
Deutéronome 6:6
והיו הדברים האלה אשר אנכי מצוך היום על לבבך׃
Deutéronome 10:12
ועתה ישראל מה יהוה אלהיך שאל מעמך כי אם ליראה את יהוה אלהיך ללכת בכל דרכיו ולאהבה אתו ולעבד את יהוה אלהיך בכל לבבך ובכל נפשך׃