על כן אל יהי חלקכם עמהם׃

שמעון ולוי אחים כלי חמס מכרתיהם׃

ארור אפם כי עז ועברתם כי קשתה אחלקם ביעקב ואפיצם בישראל׃

אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

כי אם בתורת יהוה חפצו ובתורתו יהגה יומם ולילה׃

לא ישבתי עם מתי שוא ועם נעלמים לא אבוא׃

שנאתי קהל מרעים ועם רשעים לא אשב׃

היחברך כסא הוות יצר עמל עלי חק׃

יגודו על נפש צדיק ודם נקי ירשיעו׃

בארח רשעים אל תבא ואל תאשר בדרך רעים׃

פרעהו אל תעבר בו שטה מעליו ועבור׃

עזבו פתאים וחיו ואשרו בדרך בינה׃

לא ישבתי בסוד משחקים ואעלז מפני ידך בדד ישבתי כי זעם מלאתני׃

ואני מזהיר אתכם אחי לשום פניכם בעשי מחלקות ומכשולים לנגד הלקח אשר למדתם וסורו מהם׃

כתבתי לכם באגרת שלא תתערבו עם הזנים׃

אך זאת כתבתי לכם לבלתי התערב עם איש אשר אח יקרא והוא זנה או בצע בצע או עבד אלילים או מגדף או סבא או גזלן עם האיש אשר כזה גם לא תאכלו׃

אלא את אשר יזבחו הגוים לשדים הם זבחים ולא לאלהים ואני לא אחפץ היתכם חברים לשדים׃

לא תוכלו לשתות יחד כוס אדנינו וגם כוס השדים ולא תוכלו להתחבר אל שלחן אדנינו וגם אל שלחן השדים׃

אל תהיו משכי על זר עם חסרי אמונה כי אי זה שתפות יש לצדקה עם העול ואי זה התחברות לאור עם החשך׃

ואי זה דבק יש להיכל אלהים עם האלילים כי אתם היכל אלהים חיים כמו שאמר האלהים ושכנתי והתהלכתי בתוכם והייתי להם לאלהים והם יהיו לי לעם׃

והייתי לכם לאב ואתם תהיו לי לבנים ולבנות נאם יהוה צבאות׃

והננו מצוים אתכם אחים בשם אדנינו ישוע המשיח אשר תבדלו מכל אח מעקש דרכיו ואיננו מתהלך על פי הקבלה אשר קבל מאתנו׃

ואם לא ישמע איש אל דברנו באגרת הזאת אתו תרשמו לכם ואל תתערבו עמו למען יבוש׃

וכוחי הבל של אנשים נשחתי דעת ומחסרי אמת השמים את החסידות לדבר בצע סור מאנשים כאלה׃

ואשר דמיון חסידות להם ומכחשים בכחה ואתה סור מאלה׃

כל הבא אליכם ולא יביא את התורה הזאת לא תאספו אתו הביתה ולא תשאלו לו לשלום׃

כי השאל בשלומו הוא משתתף במעשיו הרעים׃

ואשמע קול אחר מן השמים האמר צאו ממנה עמי פן תתחברו אל חטאתיה ופן תקחו ממכותיה׃

ויאכלו מפרי דרכם וממעצתיהם ישבעו׃

אמרו צדיק כי טוב כי פרי מעלליהם יאכלו׃

אוי לרשע רע כי גמול ידיו יעשה לו׃

ומה אפוא הפרי שהיה לכם אז מן המעשים אשר עתה תבשו מהם כי אחריתם המות׃

הזרע בבשרו יקצר כליון משברו והזרע ברוח יקצר מן הרוח חיי עולם׃

אשר תסורו מדרכיכם הראשנים ותפשטו את האדם הישן הנשחת בתאות התרמית׃

המה היו במרדי אור לא הכירו דרכיו ולא ישבו בנתיבתיו׃

ועין נאף שמרה נשף לאמר לא תשורני עין וסתר פנים ישים׃

כי יחדו בקר למו צלמות כי יכיר בלהות צלמות׃

וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

אבל עשה האמת יבא לאור למען יגלו מעשיו כי נעשו באלהים׃

ובאמרם חכמים אנחנו היו לכסילים׃

על כן גם נתנם האלהים לטמאה בתאות לבם לנבל גויותיהם איש את רעהו׃

בעבור זאת נתנם האלהים לתאות בושה כי נשיהם החליפו את התשמיש כדרכן בשלא כדרכן׃

וכאשר מאסו להשיג האלהים בדעת נתנם האלהים בידי דעה נמאסה לעשות את אשר לא יתכן׃

הלכי רכיל ומלשינים שנאי אלהים וגאים וזדים והוללים וחשבי און ואינם שמעים בקול אבותם׃

יודעים המה את משפט אלהים כי עשי אלה בני מות הם ולא לבד שיעשו את אלה כי גם רצתה נפשם בעשיהם׃

הלילה חלף והיום קרב לכן נסירה נא את מעשי החשך ונלבשה את כלי נשק האור׃

כי הנרדמים הם בלילה נרדמים והמשתכרים משתכרים בלילה׃

ולשרה אמר הנה נתתי אלף כסף לאחיך הנה הוא לך כסות עינים לכל אשר אתך ואת כל ונכחת׃

לא תשנא את אחיך בלבבך הוכח תוכיח את עמיתך ולא תשא עליו חטא׃

יהלמני צדיק חסד ויוכיחני שמן ראש אל יני ראשי כי עוד ותפלתי ברעותיהם׃

יסר לץ לקח לו קלון ומוכיח לרשע מומו׃

אל תוכח לץ פן ישנאך הוכח לחכם ויאהבך׃

ריש וקלון פורע מוסר ושומר תוכחת יכבד׃

לא יאהב לץ הוכח לו אל חכמים לא ילך׃

לץ תכה ופתי יערם והוכיח לנבון יבין דעת׃

נזם זהב וחלי כתם מוכיח חכם על אזן שמעת׃

איש תוכחות מקשה ערף פתע ישבר ואין מרפא׃

מחטיאי אדם בדבר ולמוכיח בשער יקשון ויטו בתהו צדיק׃

וכי יחטא לך אחיך לך והוכחת אותו בינך ובינו לבדו ואם ישמע אליך קנית לך אחיך׃

והורדוס שר רבע המדינה אשר הוכח על ידו על אדות הורודיה אשת אחיו פילפוס ועל אדות כל הרע אשר עשה הורדוס׃

את החטאים תוכיח בפני כל למען ייראו גם האחרים׃

הכרז את הדבר והתמד בין בעתו בין שלא בעתו הוכח וגער והזהר בכל ארך רוח והוראה׃

את אלה תדבר ותזהיר ותוכיח בכל חזקה ואיש אל יבוז לך׃