חסד ואמת נפגשו צדק ושלום נשקו׃

או יחזק במעוזי יעשה שלום לי שלום יעשה לי׃

מה נאוו על ההרים רגלי מבשר משמיע שלום מבשר טוב משמיע ישועה אמר לציון מלך אלהיך׃

בורא נוב שפתים שלום שלום לרחוק ולקרוב אמר יהוה ורפאתיו׃

אין שלום אמר אלהי לרשעים׃

והכרתי רכב מאפרים וסוס מירושלם ונכרתה קשת מלחמה ודבר שלום לגוים ומשלו מים עד ים ומנהר עד אפסי ארץ׃

והיה אם ראוי הבית יבוא עליו שלומכם ואם איננו ראוי שלומכם אליכם ישוב׃

כבוד במרומים לאלהים ובארץ שלום בבני אדם רצונו׃

והיה כמצאו אתו ישימנו על כתפיו בשמחה׃

ובא אל ביתו וקרא לאהביו ולשכניו יחד לאמר שמחו אתי כי מצאתי את שיי האבד׃

כי לכם ההבטחה ולבניכם ולכל הרחוקים לכל אשר קרא יהוה אלהינו׃

וישלח את דברו לבני ישראל ויבשר את השלום על ידי ישוע המשיח והוא אדון הכל׃

לכן אחרי נצדקנו באמונה שלום לנו עם האלהים באדנינו ישוע המשיח׃

לכן מליצי המשיח אנחנו וכאלו האלהים מזהיר אתכם על ידנו נבקש מכם בעד המשיח התרצו נא אל האלהים׃

ועתה בישוע המשיח אתם הרחוקים מאז הייתם קרובים בדם המשיח׃

כי הוא שלומנו אשר עשה השנים לאחד והרס מחיצת הגדר׃

כי מי גוי גדול אשר לו אלהים קרבים אליו כיהוה אלהינו בכל קראנו אליו׃

למנצח אל תשחת מזמור לאסף שיר הודינו לך אלהים הודינו וקרוב שמך ספרו נפלאותיך׃

למנצח בנגינת מזמור לאסף שיר נודע ביהודה אלהים בישראל גדול שמו׃

ויהי בשלם סכו ומעונתו בציון׃

מגיד דברו ליעקב חקיו ומשפטיו לישראל׃

לא עשה כן לכל גוי ומשפטים בל ידעום הללו יה׃

וירם קרן לעמו תהלה לכל חסידיו לבני ישראל עם קרבו הללו יה׃

ורפאו את החולים אשר בקרבה ואמרו להם קרבה אליכם מלכות האלהים׃

אף את עפר עירכם הנדבק ברגלינו ננערהו לכם אך ידע תדעו כי קרבה אליכם מלכות האלהים׃