ואני אמר היורש כל עת היותו קטן אין הבדל בינו ובין העבד אף אם הוא אדון הכל׃

אלא הוא תחת יד אמנים ופקידי הבית עד לזמן המיעד לו מאת אביו׃

לפדות את אשר היו תחת יד התורה למען נקבל את משפט הבנים׃

ויען כי בנים אתם שלח האלהים בלבבכם את רוח בנו הקורא אבא אבינו׃

על כן אחי לא בני האמה אנחנו כי אם בני החפשיה׃

ועתה עמדו נא בחרות אשר שחרר אתנו המשיח ואל תשובו להלכד בעל העבדות׃

כי כלכם בני אלהים אתם על ידי האמונה במשיח ישוע׃

ואם אתם למשיח הנכם זרע אברהם ונחלים כפי ההבטחה׃

והרוח ההוא מעיד ברוחנו כי בני אלהים אנחנו׃

ואם בנים אנחנו גם ירשים נהיה ירשי אלהים וחברי המשיח בירשה אם אמנם נתענה אתו למען גם אתו נכבד׃

אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שכרך הרבה מאד׃

והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃

יהוה מנת חלקי וכוסי אתה תומיך גורלי׃

כלה שארי ולבבי צור לבבי וחלקי אלהים לעולם׃

לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃

כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

והיו לי לעם ואני אהיה להם לאלהים׃

וכרתי להם ברית עולם אשר לא אשוב מאחריהם להיטיבי אותם ואת יראתי אתן בלבבם לבלתי סור מעלי׃

חלקי יהוה אמרה נפשי על כן אוחיל לו׃

על כן אל יתהלל איש באדם כי הכל הוא שלכם׃

ואתם הנכם של המשיח והמשיח הוא של אלהים׃

ואי זה דבק יש להיכל אלהים עם האלילים כי אתם היכל אלהים חיים כמו שאמר האלהים ושכנתי והתהלכתי בתוכם והייתי להם לאלהים והם יהיו לי לעם׃

והייתי לכם לאב ואתם תהיו לי לבנים ולבנות נאם יהוה צבאות׃

המנצח יירש הכל ואני אהיה לו לאלהים והוא יהיה לי לבן׃