הן יקטלני לא איחל אך דרכי אל פניו אוכיח׃

כי ידע דרך עמדי בחנני כזהב אצא׃

מצות שפתיו ולא אמיש מחקי צפנתי אמרי פיו׃

חלילה לי אם אצדיק אתכם עד אגוע לא אסיר תמתי ממני׃

בצדקתי החזקתי ולא ארפה לא יחרף לבבי מימי׃

ברית כרתי לעיני ומה אתבונן על בתולה׃

הלא איד לעול ונכר לפעלי און׃

אם הלכתי עם שוא ותחש על מרמה רגלי׃

אם תטה אשרי מני הדרך ואחר עיני הלך לבי ובכפי דבק מאום׃

אם נפתה לבי על אשה ועל פתח רעי ארבתי׃

כי הוא זמה והיא עון פלילים׃

אם אמאס משפט עבדי ואמתי ברבם עמדי׃

הלא בבטן עשני עשהו ויכננו ברחם אחד׃

ואכל פתי לבדי ולא אכל יתום ממנה׃

אם אראה אובד מבלי לבוש ואין כסות לאביון׃

אם הניפותי על יתום ידי כי אראה בשער עזרתי׃

כי פחד אלי איד אל ומשאתו לא אוכל׃

אם אשמח כי רב חילי וכי כביר מצאה ידי׃

ויפת בסתר לבי ותשק ידי לפי׃

אם אשמח בפיד משנאי והתעררתי כי מצאו רע׃

אם לא אמרו מתי אהלי מי יתן מבשרו לא נשבע׃

אם כסיתי כאדם פשעי לטמון בחבי עוני׃

מי יתן לי שמע לי הן תוי שדי יענני וספר כתב איש ריבי׃

מספר צעדי אגידנו כמו נגיד אקרבנו׃

אם כחה אכלתי בלי כסף ונפש בעליה הפחתי׃

יהוה אלהי אם עשיתי זאת אם יש עול בכפי׃

ירדף אויב נפשי וישג וירמס לארץ חיי וכבודי לעפר ישכן סלה׃

כל זאת באתנו ולא שכחנוך ולא שקרנו בבריתך׃

כי דכיתנו במקום תנים ותכס עלינו בצלמות׃

הלא אלהים יחקר זאת כי הוא ידע תעלמות לב׃

ויאמר אנה יהוה זכר נא את אשר התהלכתי לפניך באמת ובלב שלם והטוב בעיניך עשיתי ויבך חזקיהו בכי גדול׃

ובזאת גם עמלתי להיות תמים לב לאלהים ולאדם תמיד׃

אמת אני מדבר במשיח ולא אשקף ודעתי מעידה לי ברוח הקדש׃

כי אינני יודע בנפשי רע ובכל זאת לא אצדק כי הדן אתי הוא יהוה׃

אבל יבחן כל איש את מעשהו ואז לו לבדו תהיה תהלתו ולא לנגד אחר׃

כי תכלית המצוה היא האהבה בלב טהור וברוח טובה ובאמונה לא צבועה׃

לאחז באמונה וברוח הטובה אשר יש מאסים בה ותשבר אנית אמונתם׃

ומהם הומניוס ואלכסנדר אשר מסרתים לשטן למען יוסרו לבלתי גדף עוד׃

התפללו בעדנו כי ידענו אשר שלמה מחשבתנו ונחפץ ללכת דרך ישרה בכל׃

רוח שלמה תהי לכם למען יבשו המנאצים דרככם הטובה במשיח בהלשינם אתכם כפעלי און׃

וזה הוא אות הטבילה אשר כעת תושיע גם אתנו לא בהסיר טנוף הבשר כי אם בשאל לנו מאת אלהים רוח שלמה על ידי הקמת ישוע המשיח׃

ובזאת נדעה כי מן האמת אנחנו ולפניו נשקיט את לבותינו׃

אהובי אם לבבנו לא ירשיענו בטחון לנו באלהים׃

אך ירא אנכי פן כאשר השיא הנחש בערמתו את חוה כן תשטינה גם מחשבותיכם מן התמימות אשר עם המשיח׃

כי אנשים אשר כאלה אינם עבדים את אדנינו ישוע המשיח כי אם את כרשם ובאמרי נעם ושפת חלקות יתעו את לב הפתאים׃

כי משמעתכם נודעת לכל לכן אני שמח עליכם אך חפצתי היתכם חכמים להטיב ותמימים לבלתי הרע׃

כי אנחנו איננו כמו הרבים העשים סחורה בדבר האלהים כי אם מתוך ישר לבב ומאלהים לפני אלהים נדבר במשיח׃

ואינני אמר זאת בדרך צווי כי אם לבחן על ידי זריזות אחרים גם את אמתת אהבתכם׃

ועתה יראו את יהוה ועבדו אתו בתמים ובאמת והסירו את אלהים אשר עבדו אבותיכם בעבר הנהר ובמצרים ועבדו את יהוה׃

על כן נחגה נא החג לא בשאר ישן ולא בשאר הרע והרשע כי אם במצות הישר והאמת׃

עמדו נא חגורי מתנים באמת ומלבשים בשריון הצדק׃

למען תבחנו את המבחרות והייתם זכים ובלי מכשול עד יום המשיח׃

ובכל דבר היה אתה למופת במעשים טובים בהוראה צרופה ונהדרה׃

ועתה הכי נמהר הייתי בעצתי אם אשר יעצתי לפי הבשר יעצתי והיה אצלי פעם הן הן ופעם לא לא׃

כי אם מאסנו בסתרי הבשת שלא להתהלך בערמה ולא לזיף את דבר האלהים אלא בהראות האמת נזכיר אתנו לטוב נגד דעת כל בני אדם לפני האלהים׃

ואתחננה שלא אצטרך בבאי להתאמץ בבטחון ההוא אשר אחשב להתגבר בו נגד האנשים החשבים אתנו כמתהלכים לפי הבשר׃

כי כלי מלחמתנו אינם של הבשר כי אם חזקים הם לאלהים להרס מבצרים׃

אבל אני בכל חפץ לבבי אפזר וגם אפזר בעד נפשותיכם אף אם תחת אהבתי לכם היתרה אתם תמעיטו את אהבתכם אלי׃

האף הוניתי אתכם ביד אחד מאלה אשר שלחתי אליכם׃

התחשבו עוד כי מתנצלים אנחנו אליכם לא כי לפני האלהים נדבר במשיח וכל זאת חביבי למען תבנו׃

ודברי וקריאתי לא לפתות באמרי חכמת בני אדם כי אם בתוכחת הרוח והגבורה׃

למען אשר לא תהיה אמונתכם בחכמת בני אדם כי אם בגבורת אלהים׃

ואת זאת נדבר לא בדברים אשר תלמדם חכמת בני אדם כי אם בדברים אשר רוח הקדש תלמדם ונבאר דברים רוחניים על פי הרוח׃

אבל בחסד אלהים הייתי מה שהייתי וחסדו עלי לא היה לריק כי יותר מכלם עבדתי ולא אני כי אם חסד אלהים אשר עמדי׃

מי בכם חכם ונבון יראה בדרכו הטובה את מעשיו בענות החכמה׃

אין זאת החכמה הירדת ממעל כי אם חכמת אדמה היא וחכמת היצר והשדים׃

אבל החכמה אשר ממעל בראשונה צנועה היא אף אהבת שלום ומכרעת לכף זכות ואיננה עמדת על דעתה ומלאה רחמים ופרי טוב בלא לב ולב ובלי חנפה׃

וגם יגדיל לתת חן על כן אומר אלהים ללצים יליץ ולענוים יתן חן׃