ויקח שמואל אבן אחת וישם בין המצפה ובין השן ויקרא את שמה אבן העזר ויאמר עד הנה עזרנו יהוה׃

ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל דוד לך ויהוה יהיה עמך׃

הנה אשרי אנוש יוכחנו אלוה ומוסר שדי אל תמאס׃

בשש צרות יצילך ובשבע לא יגע בך רע׃

בשוט לשון תחבא ולא תירא משד כי יבוא׃

רבות רעות צדיק ומכלם יצילנו יהוה׃

שמעו אלי בית יעקב וכל שארית בית ישראל העמסים מני בטן הנשאים מני רחם׃

ובגלל הדבר הזה תפשו אתי היהודים במקדש ויבקשו להמיתני׃

אבל האדון הוא עזרני וחזקני למען תשלם על ידי הבשורה וישמעוה כל הגוים ואנצל מפי אריה׃

כי יודע יהוה להציל את חסידיו מנסיון ולחשך את הרשעים ליום המשפט להשיב גמולם להם׃