Romains 15:1
ועלינו החזקים לשאת חלשות הכשלים ואל נבקש הנאת עצמנו׃
2 Corinthiens 12:5-10
5
על איש כמוהו אתהלל אך על עצמי לא אתהלל זולתי בחלשותי׃
6
כי לו חפצתי להתהלל לא אהיה סכל כי אמת אדבר אבל אתאפק פן יחשבני איש יותר ממה שיראה בי או שישמע ממני׃
7
ולמען אשר לא אתרומם ברב גדל החזינות נתן לי סלון בבשרי מלאך השטן להכתני באגרוף למען לא אתרומם׃
8
על זאת התחננתי שלש פעמים אל האדון להסירו ממני׃
9
ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃
10
לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃
Hébreux 4:15
כי אין לנו כהן גדול אשר לא יוכל להצטער על חליינו כי אם המנסה בכל כמונו אך בלי חטא׃
Hébreux 5:2
והוא יכול לחמל על השגגים והתעים בהיותו גם הוא ידוע חלי׃
Matthieu 20:22
ויען ישוע ויאמר לא ידעתם את אשר שאלתם היכל תוכלו שתות את הכוס אשר אני עתיד לשתותו והטבל בטבילה אשר אני נבטל בה ויאמרו אליו נוכל׃
Luc 11:1-13
1
ויהי הוא מתפלל במקום אחד ויאמר אליו אחד מתלמידיו אחרי כלותו אדני למדנו להתפלל כאשר למד גם יוחנן את תלמידיו׃
2
ויאמר אליהם כי תתפללו אמרו אבינו שבשמים יתקדש שמך תבוא מלכותך יעשה רצונך כמו בשמים כן בארץ׃
3
את לחם חקנו תן לנו יום יום׃
4
וסלח לנו את חובתנו כי סלחים גם אנחנו לכל החיב לנו ואל תביאנו לידי נסיון כי אם הצילנו מן הרע׃
5
ויאמר אליהם מי בכם אשר יהיה לו אהב והלך ובא אליו בחצות הלילה ואמר אליו ידידי הלוני שלשת ככרות לחם׃
6
כי אהבי בא אלי מן הדרך ואין לי דבר לשום לפניו׃
7
והוא מלפנים יענה ויאמר אל תוגיעני כי כבר נסגרה הדלת וילדי שוכבים עמדי במטה לא אוכל לקום ולתת לך׃
8
אני אמר לכם גם כי לא יקום לתת לו על היותו אהבו יקום בעבור עזות פניו ויתן לו ככל צרכו׃
9
וגם אני אמר לכם שאלו וינתן לכם דרשו ותמצאו דפקו ויפתח לכם׃
10
כי כל השאל יקבל והדרש ימצא ולדפק יפתח׃
11
ומי בכם האב אשר ישאל ממנו בנו לחם ונתן לו אבן ואם דג היתן לו נחש תחת הדג׃
12
או כי ישאלנו ביצה היתן לו עקרב׃
13
הן אתם הרעים ידעים לתת מתנות טבות לבניכם אף כי האב מן השמים יתן את רוח הקדש לשאלים מאתו׃
Jacques 4:3
הן אתם מבקשים ואינכם מקבלים על אשר תתפללו ברעה למען תבלו בתאותיכם׃
Romains 8:15
כי לא קבלתם רוח עבדות לשוב לירא כי אם קבלתם רוח משפט בנים אשר בו קראים אנחנו אבא אבינו׃
Psaumes 10:17
תאות ענוים שמעת יהוה תכין לבם תקשיב אזנך׃
Zacharie 12:10
ושפכתי על בית דויד ועל יושב ירושלם רוח חן ותחנונים והביטו אלי את אשר דקרו וספדו עליו כמספד על היחיד והמר עליו כהמר על הבכור׃
Matthieu 10:20
כי לא אתם הם המדברים כי רוח אביכם הוא המדבר בפיכם׃
Galates 4:6
ויען כי בנים אתם שלח האלהים בלבבכם את רוח בנו הקורא אבא אבינו׃
Ephésiens 2:18
כי על ידו יש לשנינו מבוא ברוח אחד אל אבינו׃
Ephésiens 6:18
והתפללו תמיד בכל עת בתפלה ותחנונים ברוח ושקדו והתאמצו על זאת להעתיר תמיד בעד כל הקדשים׃
Jude 1:20
ואתם האהובים הבנו באמונתכם הנעלה על כל בקדשתה והתפללו ברוח הקדש׃
Jude 1:21
ושמרתם את נפשתיכם באהבת אלהים וחכיתם לרחמי אדנינו ישוע המשיח לחיי העולם׃
Romains 7:24
אוי לי האדם העני מי יצילני מגוף המות הזה׃
Psaumes 6:3
ונפשי נבהלה מאד ואת יהוה עד מתי׃
Psaumes 6:9
שמע יהוה תחנתי יהוה תפלתי יקח׃
Psaumes 42:1-5
1
למנצח משכיל לבני קרח כאיל תערג על אפיקי מים כן נפשי תערג אליך אלהים׃
2
צמאה נפשי לאלהים לאל חי מתי אבוא ואראה פני אלהים׃
3
היתה לי דמעתי לחם יומם ולילה באמר אלי כל היום איה אלהיך׃
4
אלה אזכרה ואשפכה עלי נפשי כי אעבר בסך אדדם עד בית אלהים בקול רנה ותודה המון חוגג׃
5
מה תשתוחחי נפשי ותהמי עלי הוחילי לאלהים כי עוד אודנו ישועות פניו׃
Psaumes 55:1
למנצח בנגינת משכיל לדוד האזינה אלהים תפלתי ואל תתעלם מתחנתי׃
Psaumes 55:2
הקשיבה לי וענני אריד בשיחי ואהימה׃
Psaumes 69:3
יגעתי בקראי נחר גרוני כלו עיני מיחל לאלהי׃
Psaumes 77:1-3
1
למנצח על ידיתון לאסף מזמור קולי אל אלהים ואצעקה קולי אל אלהים והאזין אלי׃
2
ביום צרתי אדני דרשתי ידי לילה נגרה ולא תפוג מאנה הנחם נפשי׃
3
אזכרה אלהים ואהמיה אשיחה ותתעטף רוחי סלה׃
Psaumes 88:1-3
1
שיר מזמור לבני קרח למנצח על מחלת לענות משכיל להימן האזרחי יהוה אלהי ישועתי יום צעקתי בלילה נגדך׃
2
תבוא לפניך תפלתי הטה אזנך לרנתי׃
3
כי שבעה ברעות נפשי וחיי לשאול הגיעו׃
Psaumes 102:5
מקול אנחתי דבקה עצמי לבשרי׃
Psaumes 102:20
לשמע אנקת אסיר לפתח בני תמותה׃
Psaumes 119:81
כלתה לתשועתך נפשי לדברך יחלתי׃
Psaumes 119:82
כלו עיני לאמרתך לאמר מתי תנחמני׃
Psaumes 143:4-7
4
ותתעטף עלי רוחי בתוכי ישתומם לבי׃
5
זכרתי ימים מקדם הגיתי בכל פעלך במעשה ידיך אשוחח׃
6
פרשתי ידי אליך נפשי כארץ עיפה לך סלה׃
7
מהר ענני יהוה כלתה רוחי אל תסתר פניך ממני ונמשלתי עם ירדי בור׃
Luc 22:44
ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃
2 Corinthiens 5:2
כי גם עתה נאנחים ונכספים אנחנו להתעטף בביתנו אשר מן השמים׃
2 Corinthiens 5:4
כי גם עתה באהלנו זה נאנח מפני הכבד ולא חפצנו להתפשט כי אם להתעטף למען יבלע המות על ידי החיים׃
2 Corinthiens 12:8
על זאת התחננתי שלש פעמים אל האדון להסירו ממני׃