והנה אם מתנו עם המשיח נאמין כי גם נחיה עמו׃

כי אשר מת מת לחטא פעם אחת ואשר חי חי הוא לאלהים׃

אם כן אפוא אל תמלך החטאת בגופכם אשר ימות לנטות אחריה בתאותיו׃

אחרי היותנו מתים בפשעים החינו עם המשיח בחסד נושעתם׃

ויעירנו אתו אף הושיבנו במרומים במשיח ישוע׃

לדעת אתו ואת גבורת תחיתו והתחברות ענוייו ולהדמות למותו׃

להגיע אם אוכל אל תחית המתים׃

שתולים בבית יהוה בחצרות אלהינו יפריחו׃

ויעזקהו ויסקלהו ויטעהו שרק ויבן מגדל בתוכו וגם יקב חצב בו ויקו לעשות ענבים ויעש באשים׃

ואנכי נטעתיך שרק כלה זרע אמת ואיך נהפכת לי סורי הגפן נכריה׃

ויען ויאמר כל מטע אשר לא נטע אבי שבשמים עקור יעקר׃

אמן אמן אני אמר לכם אם לא יפל גרגר החטא אל תוך האדמה ומת ישאר לבדו וכאשר מת יעשה פרי הרבה׃

אנכי הגפן האמתית ואבי הוא הכרם׃

אתם כעת מטהרים בעבור דברי אשר דברתי אליכם׃

אנכי הוא הגפן ואתם השריגים העמד בי ואני בו הוא יעשה פרי לרב כי בלעדי לא תוכלון עשות מאומה׃

והיה אם תעמדו בי ודברי יהיו בכם ככל חפצכם תשאלו ויעשה לכם׃