ועתה נרדפה דרך השלום ודרך הבנות יחד איש מרעהו׃

כי בהיותי חפשי מכל עשיתי עצמי עבד לכל אדם למען אקנא את הרבים׃

לאלה אשר בלי תורה הייתי כבלי תורה אף כי אינני בלי תורת האלהים כי אם תחת תורת המשיח אנכי למען קנות אותם אשר בלי תורה׃

איש איש אל יבקש את תועלת עצמו כי אם את תועלת רעהו׃

כאשר גם אנכי מבקש להיות רצוי לכל בכל ולא אבקש תועלת עצמי כי אם של הרבים למען יושעו׃

לכו בעקבותי כאשר גם אני הלך בעקבות המשיח׃

לא תעשה דבר תפלה ולא תבקש את אשר לה ולא תתמרמר ולא תחשב הרעה׃

כל אחד אל ידאג לאשר לו לבדו כי אם גם לאשר לחברו׃

כי הרוח ההיא אשר היתה במשיח תהי גם בכם׃

העבדים יכנעו לאדניהם ויתרצו להם בכל דבר ולא ימרו את דבריהם׃

ולא ימעלו מעל כי אם יראו כל אמונה טובה למען יפארו בכל את לקח אלהינו מושיענו׃