לכן תנו לכל איש כחובתכם המס לאשר לו המס המכס לאשר לו המכס והמורא לאשר לו המורא והכבוד לאשר לו הכבוד׃

לא תעשק שכיר עני ואביון מאחיך או מגרך אשר בארצך בשעריך׃

ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא׃

אל תמנע טוב מבעליו בהיות לאל ידיך לעשות׃

אל תאמר לרעיך לך ושוב ומחר אתן ויש אתך׃

לכן כל אשר תחפצו כי יעשו לכם בני האדם עשו להם גם אתם כי זאת היא התורה והנביאים׃

והשנית דומה לה ואהבת לרעך כמוך׃

בשתי המצות האלה כל התורה תלויה וגם הנביאים׃

האהבה לא תרע לרע על כן האהבה קיום התורה כלה׃

כי כל התורה כלולה במצוה אחת והיא ואהבת לרעך כמוך׃

ועל כל אלה לבשו האהבה היא אגדת השלמות׃

כי תכלית המצוה היא האהבה בלב טהור וברוח טובה ובאמונה לא צבועה׃

הן בקימכם את המצוה המלכת על כלן כפי הכתוב ואהבת לרעך כמוך תיטיבו לעשות׃