ויהי אחרי כן ויך לב דוד אתו על אשר כרת את כנף אשר לשאול׃

ויאמר לאנשיו חלילה לי מיהוה אם אעשה את הדבר הזה לאדני למשיח יהוה לשלח ידי בו כי משיח יהוה הוא׃

אני פי מלך שמור ועל דברת שבועת אלהים׃

הזכר אתם להכנע ולשמע לשרים ולשלטונים ולהיות נכונים לכל מעשה טוב׃

ולבלתי גדף אדם ולחדל מריב ולהכריע לכף זכות ולהתנהג בכל ענוה לפני כל אדם׃

והכנעו לכל פקדת אדם בגלל האדון אם למלך כראוי לראש׃

כי כן הוא חפץ אלהים אשר בעשותכם הטוב תסכרו את פי אולת האנשים אשר אין בם דעת׃

ובזאת גם עמלתי להיות תמים לב לאלהים ולאדם תמיד׃

התפללו בעדנו כי ידענו אשר שלמה מחשבתנו ונחפץ ללכת דרך ישרה בכל׃

כי חסד הוא לאיש אם ישבע ממררים ויענה חנם למען דעת האלהים׃

רוח שלמה תהי לכם למען יבשו המנאצים דרככם הטובה במשיח בהלשינם אתכם כפעלי און׃