טוב וישר יהוה על כן יורה חטאים בדרך׃

ידרך ענוים במשפט וילמד ענוים דרכו׃

ואחשבה לדעת זאת עמל היא בעיני׃

עד אבוא אל מקדשי אל אבינה לאחריתם׃

ואני בער ולא אדע בהמות הייתי עמך׃

כי בער אנכי מאיש ולא בינת אדם לי׃

ולא למדתי חכמה ודעת קדשים אדע׃

ושמעו ביום ההוא החרשים דברי ספר ומאפל ומחשך עיני עורים תראינה׃

ויספו ענוים ביהוה שמחה ואביוני אדם בקדוש ישראל יגילו׃

והיה שם מסלול ודרך ודרך הקדש יקרא לה לא יעברנו טמא והוא למו הלך דרך ואוילים לא יתעו׃

ויאמר אמן אמר אני לכם אם לא תשובו להיות כילדים לא תבוא אל מלכות השמים׃

לכן כל המשפיל את עצמו כילד הזה הוא הגדול במלכות השמים׃

אמן אמר אני לכם כל אשר לא יקבל את מלכות האלהים כילד הוא לא יבא בה׃

ועתה איך יקראו אל אשר לא האמינו בו ואיך יאמינו באשר לא שמעו את שמעו ואיך ישמעו באין מגיד׃

אל ירמה איש את עצמו והחשב את עצמו חכם בעולם הזה יהי לסכל למען יחכם׃

החשב כי הוא ידע דבר מה עוד לא ידע מאומה כאשר עליו לדעת אתו׃

או המכם יצא דבר אלהים אם אליכם לבדכם הגיע׃

כי יתברך איש בלבבו להיות נביא או איש הרוח בין יבין את אשר אני כתב לכם כי מצות האדון הנה׃

והעשיר יתהלל בשפלותו כי יעבר כציץ החציר׃

לכן הסירו מעליכם כל טנוף ותרבות רעה וקבלו בענוה את הדבר הנטוע בכם אשר יכל להושיע את נפשתיכם׃

ועתה הסירו מכם כל רשע וכל מרמה וחנפה וקנאה וכל לשון רע׃

וכעללים אשר מקרוב נולדו התאוו לחלב השכלי והזך למען תגדלו בו׃

ויבא נעמן בסוסו וברכבו ויעמד פתח הבית לאלישע׃

ויאמר אליו לא לבי הלך כאשר הפך איש מעל מרכבתו לקראתך העת לקחת את הכסף ולקחת בגדים וזיתים וכרמים וצאן ובקר ועבדים ושפחות׃

וילך משם וימצא את יהונדב בן רכב לקראתו ויברכהו ויאמר אליו היש את לבבך ישר כאשר לבבי עם לבבך ויאמר יהונדב יש ויש תנה את ידך ויתן ידו ויעלהו אליו אל המרכבה׃

ויאמר לכה אתי וראה בקנאתי ליהוה וירכבו אתו ברכבו׃