ויאמר אלהים אל אברהם ואתה את בריתי תשמר אתה וזרעך אחריך לדרתם׃

ונמלתם את בשר ערלתכם והיה לאות ברית ביני וביניכם׃

המול ימול יליד ביתך ומקנת כספך והיתה בריתי בבשרכם לברית עולם׃

משה נתן לכם המילה אך לא ממשה היא כי אם מן האבות וביום השבת תמולו כל זכר׃

ואין נחשבה לו אם בהיותו מהול או בעודנו ערל הן לא בהיותו מהול כי אם בערלתו׃

אחי לפי דרך אדם אדבר אפלו דיתיקי של בן אדם אם מקימת היא לא יפרנה איש גם לא יוסיף עליה דבר׃

וזאת אני אמר כי דיתיקי אשר קימה האלהים מאז לימות המשיח לא תוכל התורה אשר באה אחרי ארבע מאות ושלשים שנה להפר אותה ולבטל את ההבטחה׃

ובן שמנת ימים ימול לכם כל זכר לדרתיכם יליד בית ומקנת כסף מכל בן נכר אשר לא מזרעך הוא׃

ויהוה פקד את שרה כאשר אמר ויעש יהוה לשרה כאשר דבר׃

ויקרא אברהם את שם בנו הנולד לו אשר ילדה לו שרה יצחק׃

ויעתר יצחק ליהוה לנכח אשתו כי עקרה הוא ויעתר לו יהוה ותהר רבקה אשתו׃

ויאמר יהוה לה שני גיים בבטנך ושני לאמים ממעיך יפרדו ולאם מלאם יאמץ ורב יעבד צעיר׃

ויצא הראשון אדמוני כלו כאדרת שער ויקראו שמו עשו׃

ויולד אברהם את יצחק בני יצחק עשו וישראל׃

אברהם הוליד את יצחק ויצחק הוליד את יעקב ויעקב הוליד את יהודה ואת אחיו׃

כי דבר הבטחה הוא מה שנאמר למועד אשוב ולשרה בן׃

כי בטרם ילדו בניה ועוד לא עשו טוב או רע למען תקום עצת האלהים כפי בחירתו לא מתוך מעשים כי אם כרצון הקרא׃

ככתוב ואהב את יעקב ואת עשו שנאתי׃

וירא יהוה כי שנואה לאה ויפתח את רחמה ורחל עקרה׃

ותהר עוד ותלד בן ותאמר כי שמע יהוה כי שנואה אנכי ויתן לי גם את זה ותקרא שמו שמעון׃

ותהר עוד ותלד בן ותאמר הפעם אודה את יהוה על כן קראה שמו יהודה ותעמד מלדת׃

ותרא רחל כי לא ילדה ליעקב ותקנא רחל באחתה ותאמר אל יעקב הבה לי בנים ואם אין מתה אנכי׃

ותאמר הנה אמתי בלהה בא אליה ותלד על ברכי ואבנה גם אנכי ממנה׃

ותהר בלהה ותלד ליעקב בן׃

ותהר עוד ותלד בלהה שפחת רחל בן שני ליעקב׃

ותרא לאה כי עמדה מלדת ותקח את זלפה שפחתה ותתן אתה ליעקב לאשה׃

ותאמר לאה בגד ותקרא את שמו גד׃

ותאמר לאה באשרי כי אשרוני בנות ותקרא את שמו אשר׃

ותאמר לה המעט קחתך את אישי ולקחת גם את דודאי בני ותאמר רחל לכן ישכב עמך הלילה תחת דודאי בנך׃

וישמע אלהים אל לאה ותהר ותלד ליעקב בן חמישי׃

ותהר עוד לאה ותלד בן ששי ליעקב׃

ואחר ילדה בת ותקרא את שמה דינה׃

ותהר ותלד בן ותאמר אסף אלהים את חרפתי׃

ויסעו מבית אל ויהי עוד כברת הארץ לבוא אפרתה ותלד רחל ותקש בלדתה׃

בני לאה בכור יעקב ראובן ושמעון ולוי ויהודה ויששכר וזבלון׃

ובני בלהה שפחת רחל דן ונפתלי׃

ואלה שמות בני ישראל הבאים מצרימה את יעקב איש וביתו באו׃

יששכר זבולן ובנימן׃

אלה בני ישראל ראובן שמעון לוי ויהודה יששכר וזבלון׃

דן יוסף ובנימן נפתלי גד ואשר׃

אנשים אחים הניחו לי ואדברה באזני כלכם על דוד אבינו אשר גם מת גם נקבר וקבורתו אתנו היא עד היום הזה׃

ראו עתה מה גדול הוא אשר גם אברהם אבינו נתן לו מעשר מראשית השלל׃