Génèse 3:15
ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב׃
Psaumes 22:1-69
1
למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃
2
אלהי אקרא יומם ולא תענה ולילה ולא דומיה לי׃
3
ואתה קדוש יושב תהלות ישראל׃
4
בך בטחו אבתינו בטחו ותפלטמו׃
5
אליך זעקו ונמלטו בך בטחו ולא בושו׃
6
ואנכי תולעת ולא איש חרפת אדם ובזוי עם׃
7
כל ראי ילעגו לי יפטירו בשפה יניעו ראש׃
8
גל אל יהוה יפלטהו יצילהו כי חפץ בו׃
9
כי אתה גחי מבטן מבטיחי על שדי אמי׃
10
עליך השלכתי מרחם מבטן אמי אלי אתה׃
11
אל תרחק ממני כי צרה קרובה כי אין עוזר׃
12
סבבוני פרים רבים אבירי בשן כתרוני׃
13
פצו עלי פיהם אריה טרף ושאג׃
14
כמים נשפכתי והתפרדו כל עצמותי היה לבי כדונג נמס בתוך מעי׃
15
יבש כחרש כחי ולשוני מדבק מלקוחי ולעפר מות תשפתני׃
16
כי סבבוני כלבים עדת מרעים הקיפוני כארי ידי ורגלי׃
17
אספר כל עצמותי המה יביטו יראו בי׃
18
יחלקו בגדי להם ועל לבושי יפילו גורל׃
19
ואתה יהוה אל תרחק אילותי לעזרתי חושה׃
20
הצילה מחרב נפשי מיד כלב יחידתי׃
21
הושיעני מפי אריה ומקרני רמים עניתני׃
22
אספרה שמך לאחי בתוך קהל אהללך׃
23
יראי יהוה הללוהו כל זרע יעקב כבדוהו וגורו ממנו כל זרע ישראל׃
24
כי לא בזה ולא שקץ ענות עני ולא הסתיר פניו ממנו ובשועו אליו שמע׃
25
מאתך תהלתי בקהל רב נדרי אשלם נגד יראיו׃
26
יאכלו ענוים וישבעו יהללו יהוה דרשיו יחי לבבכם לעד׃
27
יזכרו וישבו אל יהוה כל אפסי ארץ וישתחוו לפניך כל משפחות גוים׃
28
כי ליהוה המלוכה ומשל בגוים׃
29
אכלו וישתחוו כל דשני ארץ לפניו יכרעו כל יורדי עפר ונפשו לא חיה׃
30
זרע יעבדנו יספר לאדני לדור׃
31
יבאו ויגידו צדקתו לעם נולד כי עשה׃
Esaïe 53:1-12
1
מי האמין לשמעתנו וזרוע יהוה על מי נגלתה׃
2
ויעל כיונק לפניו וכשרש מארץ ציה לא תאר לו ולא הדר ונראהו ולא מראה ונחמדהו׃
3
נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃
4
אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃
5
והוא מחלל מפשענו מדכא מעונתינו מוסר שלומנו עליו ובחברתו נרפא לנו׃
6
כלנו כצאן תעינו איש לדרכו פנינו ויהוה הפגיע בו את עון כלנו׃
7
נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃
8
מעצר וממשפט לקח ואת דורו מי ישוחח כי נגזר מארץ חיים מפשע עמי נגע למו׃
9
ויתן את רשעים קברו ואת עשיר במתיו על לא חמס עשה ולא מרמה בפיו׃
10
ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃
11
מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃
12
לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃
Daniel 9:24-26
24
שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃
25
ותדע ותשכל מן מצא דבר להשיב ולבנות ירושלם עד משיח נגיד שבעים שבעה ושבעים ששים ושנים תשוב ונבנתה רחוב וחרוץ ובצוק העתים׃
26
ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃
Zacharie 12:10
ושפכתי על בית דויד ועל יושב ירושלם רוח חן ותחנונים והביטו אלי את אשר דקרו וספדו עליו כמספד על היחיד והמר עליו כהמר על הבכור׃
Zacharie 13:7
חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשבתי ידי על הצערים׃
Luc 18:31-33
31
ויקח אליו את שנים העשר ויאמר להם הננו עלים ירושלימה וימלא כל הכתוב בידי הנביאים על בן האדם׃
32
כי ימסר לגוים ויהתלו בו ויתעללו בו וירקו בפניו׃
33
ואחרי הכותם אתו בשוטים ימיתוהו וביום השלישי קום יקום׃
Luc 24:26
הלא על המשיח היה לסבל את כל זאת ולבוא אל כבודו׃
Luc 24:46
ויאמר אליהם כן כתוב וכן נגזר אשר יענה המשיח ויקום מן המתים ביום השלישי׃
1 Corinthiens 15:3
כי מסרתי לכם בראשונה את אשר גם קבלתי כי המשיח מת בעד חטאתינו כפי הכתובים׃
Actes 26:8
מדוע יפלא בעיניכם כי האלהים יחיה מתים׃
Actes 2:23-32
23
אתו הנמסר על פי עצת האלהים הנחרצה וידיעתו מקום לקחתם ובידי רשעים הוקעתם והרגתם אתו׃
24
והאלהים הקימו מן המתים בהתיר את חבלי המות באשר נמנע מן המות לעצר אתו׃
25
כי דוד אמר עליו שויתי יהוה לנגדי תמיד כי מימיני בל אמוט׃
26
לכן שמח לבי ויגל כבודי אף בשרי ישכן לבטח׃
27
כי לא תעזב נפשי לשאול לא תתן חסידך לראות שחת׃
28
תודיעני ארחות חיים שבע שמחות את פניך׃
29
אנשים אחים הניחו לי ואדברה באזני כלכם על דוד אבינו אשר גם מת גם נקבר וקבורתו אתנו היא עד היום הזה׃
30
והוא בהיותו נביא ומדעתו את השבועה אשר נשבע לו האלהים להקים את המשיח כפי הבשר מפרי חלציו להושיבו על כסאו׃
31
לכן בחזותו מראש דבר על תקומת המשיח כי לא נעזבה נפשו לשאול וגם בשרו לא ראה שחת׃
32
את ישוע זה הקים אלהים מן המתים ואנחנו כלנו עדיו׃
Actes 13:34
ועל אשר הקים אתו מן המתים לבלתי שוב עוד לשחת כה אמר אתן לכם חסדי דוד הנאמנים׃
Psaumes 16:8-11
8
שויתי יהוה לנגדי תמיד כי מימיני בל אמוט׃
9
לכן שמח לבי ויגל כבודי אף בשרי ישכן לבטח׃
10
כי לא תעזב נפשי לשאול לא תתן חסידך לראות שחת׃
11
תודיעני ארח חיים שבע שמחות את פניך נעמות בימינך נצח׃
Esaïe 53:10-12
10
ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃
11
מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃
12
לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃
Matthieu 27:53
ויצאו מן הקברים אחרי הקיצו ויבאו אל העיר הקדושה ויראו לרבים׃
Jean 10:18
ואיש לא יקחנה מאתי כי אם אני מעצמי אתננה יש בידי לתת אתה ובידי לשוב לקחתה את המצוה הזאת לקחתי מעם אבי׃
Jean 11:25
ויאמר אליה ישוע אנכי התקומה והחיים המאמין בי יחיה גם כי ימות׃
1 Corinthiens 15:20-23
20
ועתה המשיח הוקם מן המתים ויהי לראשית הישנים׃
21
כי אחרי אשר בא המות על ידי אדם אחד גם תחית המתים באה על ידי אדם אחד׃
22
כי כאשר באדם מתים כלם כן גם יחיו כלם במשיח׃
23
וכל אחד ואחד בסדרו ראשית כלם המשיח ואחרי כן אשר הם למשיח בבואו׃
Colossiens 1:18
והוא ראש גוף העדה אשר הוא ראשית ובכור מעם המתים למען יהיה הראשון בכל׃
Apocalypse 1:5
ומאת ישוע המשיח העד הנאמן ובכור מן המתים ועליון למלכי ארץ לו אשר אהב אתנו ובדמו גאלנו מחטאתינו׃
Actes 26:18
לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃
Luc 2:32
אור לגלות עיני הגוים ותפארת ישראל עמך׃