תודיעני ארח חיים שבע שמחות את פניך נעמות בימינך נצח׃

חיים שאל ממך נתתה לו ארך ימים עולם ועד׃

דרכיך יהוה הודיעני ארחותיך למדני׃

כל באיה לא ישובון ולא ישיגו ארחות חיים׃

בארח צדקה אהלך בתוך נתיבות משפט׃

ויאמר אליה ישוע אנכי התקומה והחיים המאמין בי יחיה גם כי ימות׃

וכל החי אשר יאמין בי לא ימות לעולם התאמיני זאת׃

ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃

רבים אמרים מי יראנו טוב נסה עלינו אור פניך יהוה׃

נתתה שמחה בלבי מעת דגנם ותירושם רבו׃

אני בצדק אחזה פניך אשבעה בהקיץ תמונתך׃

כי תשיתהו ברכות לעד תחדהו בשמחה את פניך׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

ונביטה אל ישוע ראש האמונה ומשלימה אשר בעד השמחה השמורה לו סבל את הצלב ויבז החרפה וישב לימין כסא האלהים׃