ויהי בשרתם את יהוה ובצומם ויאמר רוח הקדש הבדילו לי את בר נבא ואת שאול למלאכה אשר קראתים לה׃

את אלה העמידו לפני השליחים ויתפללו ויסמכו את ידיהם עליהם׃

וירדו שמה ויתפללו בעדם אשר יקבלו את רוח הקדש׃

ויסמכו את ידיהם עליהם ויקבלו את רוח הקדש׃

וילך חנניה ויבא הביתה וישם את ידיו עליו ויאמר שאול אחי האדון ישוע הנראה אליך בדרך אשר באת בה שלחני למען תשוב ותראה ותמלא רוח הקדש׃

ויבחרו להם זקנים בכל קהלה וקהלה ויתפללו ויצומו ויפקידום ביד האדון אשר האמינו בו׃

ויסמך את ידיו עליו ויצוהו כאשר דבר יהוה ביד משה׃

ואל תקל בעיניך מתנת החסד אשר בך הנתונה לך בנבואה עם סמיכת ידי הזקנים׃

אל תהי נמהר בסמיכת ידיך על אדם ולא תשתתף לחטאת אחרים שמר את נפשך בטהרה׃

על כן אזכירך שתעורר את מתנת האלהים הנתונה לך בסמיכת ידי׃

ואת אשר שמעת ממני בפני עדים רבים תפקידנו בידי אנשים נאמנים אשר הם כשרים ללמד גם את האחרים׃

ומשם באו באניה אל אנטיוכיא אשר נמסרו שם לחסד אלהים על המלאכה אשר מלאו אתה׃

ופולוס בחר לו את סילא וימסרהו האחים אל חסד יהוה ויצא׃

ואיך יגידו אם אינם שלוחים ככתוב מה נאוו רגלי מבשר שלום מבשר טוב׃

אשר העידו על אהבתך בפני הקהל ואף תיטיב לעשות בלותך אתם כאשר יאתה לפני אלהים׃

על כן חיבים אנחנו לקבל אתם למען נהיה עזרים לאמת׃