ויאמר פטרוס אליהם שובו מדרכיכם והטבלו כל איש מכם על שם ישוע המשיח לסליחת חטאיכם וקבלתם את מתנת רוח הקדש׃

כי לכם ההבטחה ולבניכם ולכל הרחוקים לכל אשר קרא יהוה אלהינו׃

אתם בני הנביאים ובני הברית אשר כרת האלהים עם אבותינו באמרו אל אברהם ונברכו בזרעך כל משפחות האדמה׃

לכם בראשונה העמיד האלהים את עבדו ישוע וישלחהו לברך אתכם בשובכם כל איש מרע מעלליכם׃

והנפוצים מפני הצרה אשר היתה על אודת אסטפנוס הלכו ובאו עד פינוקיא וקפרוס ואנטיוכיא ולא דברו את הדבר כי אם אל היהודים לבדם׃

אז הגידו פולוס ובר נבא על פניהם לאמר בדין היה להשמיע אתכם בראשונה את דבר האלהים ועתה אחרי אשר מאסתם אותו ואינכם זכים בעיניכם לחיי העולם לכן הננו פנים אל הגוים׃

כי אם לכו אל הצאן האבדות לבית ישראל׃

ואשר תקרא בשמו תשובה וסליחת החטאים בכל הגוים החל מירושלים׃

לשלמה אלהים משפטיך למלך תן וצדקתך לבן מלך׃

ישאו הרים שלום לעם וגבעות בצדקה׃

אך קרוב ליראיו ישעו לשכן כבוד בארצנו׃

חסד ואמת נפגשו צדק ושלום נשקו׃

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

עד יערה עלינו רוח ממרום והיה מדבר לכרמל וכרמל ליער יחשב׃

והיה מעשה הצדקה שלום ועבדת הצדקה השקט ובטח עד עולם׃

כי בשמחה תצאו ובשלום תובלון ההרים והגבעות יפצחו לפניכם רנה וכל עצי השדה ימחאו כף׃

בורא נוב שפתים שלום שלום לרחוק ולקרוב אמר יהוה ורפאתיו׃

ויאמר אליהם המלאך אל תיראו כי הנני מבשר אתכם שמחה גדולה אשר תהיה לכל העם׃

וזה לכם האות תמצאון ילד מחתל ומנח באבוס׃

כבוד במרומים לאלהים ובארץ שלום בבני אדם רצונו׃

והכל מאת האלהים המרצה אתנו לעצמו על ידי ישוע המשיח ויתן לנו שרות הרצוי׃

לכן מליצי המשיח אנחנו וכאלו האלהים מזהיר אתכם על ידנו נבקש מכם בעד המשיח התרצו נא אל האלהים׃

ועתה בישוע המשיח אתם הרחוקים מאז הייתם קרובים בדם המשיח׃

בבטלו האיבה בבשרו את תורת המצות בגזרותיהן לברא בנפשו את השנים לאיש אחד חדש ויעש שלום׃

ויבא ויבשר שלום לכם הרחוקים והקרובים׃

ולרצות אל עצמו את הכל על ידו בעשותו שלום בדם צלבו על ידו הן אשר בארץ הן אשר בשמים׃

ואשר חלק לו אברהם מעשר מכל שמו יפרש מלך הצדק ועוד מלך שלם הוא מלך השלום׃

באין אב באין אם באין יחש ולימיו אין תחלה ולחייו אין סוף כי אם נדמה לבן האלהים הוא עומד בכהנתו לנצח׃

ואלהי השלום אשר בדם ברית עולם העלה מן המתים את רעה הצאן הגדול את ישוע אדנינו׃

לכן ידע נא בית ישראל כלו כי לאדון ולמשיח שמו האלהים את ישוע זה אשר צלבתם׃

את זה נשא האלהים בימינו לשר ולמושיע לתת תשובה לישראל וסליחת החטאים׃

ואני נסכתי מלכי על ציון הר קדשי׃

שאל ממני ואתנה גוים נחלתך ואחזתך אפסי ארץ׃

שאו שערים ראשיכם והנשאו פתחי עולם ויבוא מלך הכבוד׃

שאו שערים ראשיכם ושאו פתחי עולם ויבא מלך הכבוד׃

כסאך אלהים עולם ועד שבט מישר שבט מלכותך׃

ויתאו המלך יפיך כי הוא אדניך והשתחוי לו׃

לדוד מזמור נאם יהוה לאדני שב לימיני עד אשית איביך הדם לרגליך׃

מטה עזך ישלח יהוה מציון רדה בקרב איביך׃

לכן יתן אדני הוא לכם אות הנה העלמה הרה וילדת בן וקראת שמו עמנו אל׃

הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי אל צדיק ומושיע אין זולתי׃

בי נשבעתי יצא מפי צדקה דבר ולא ישוב כי לי תכרע כל ברך תשבע כל לשון׃

ביהוה יצדקו ויתהללו כל זרע ישראל׃

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃

בימיו תושע יהודה וישראל ישכן לבטח וזה שמו אשר יקראו יהוה צדקנו׃

חזה הוית בחזוי ליליא וארו עם ענני שמיא כבר אנש אתה הוה ועד עתיק יומיא מטה וקדמוהי הקרבוהי׃

ולה יהיב שלטן ויקר ומלכו וכל עממיא אמיא ולשניא לה יפלחון שלטנה שלטן עלם די לא יעדה ומלכותה די לא תתחבל׃

ואת בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשים׃

ואתה בית לחם אפרתה צעיר להיות באלפי יהודה ממך לי יצא להיות מושל בישראל ומוצאתיו מקדם מימי עולם׃

הנני שלח מלאכי ופנה דרך לפני ופתאם יבוא אל היכלו האדון אשר אתם מבקשים ומלאך הברית אשר אתם חפצים הנה בא אמר יהוה צבאות׃

הכל נמסר לי מאת אבי ואין מכיר את הבן בלתי האב ואין מכיר את האב בלתי הבן ואשר יחפץ הבן לגלותו לו׃

נאם יהוה לאדני שב לימיני עד אשית איביך הדם לרגליך׃

ולא יכל איש לענות אתו דבר ולא ערב עוד איש את לבו מן היום ההוא לשאל אותו׃

ויגש ישוע וידבר אליהם לאמר נתן לי כל שלטן בשמים ובארץ׃

האב אהב את בנו ואת כל נתן בידו׃

כל המאמין בבן יש לו חיי עולמים ואשר לא יאמין בבן לא יראה חיים כי אם חרון אלהים ישכן עליו׃

מי אשר לא יכבד את הבן גם את האב אשר שלחו איננו מכבד׃

אמן אמן אני אמר לכם כי תבוא שעה ועתה היא אשר ישמעו המתים את קול בן האלהים והשמעים חיה יחיו׃

ואף שלטן נתן לו לעשות משפט כי בן אדם הוא׃

ויצאו עשי הטוב לתקומת החיים ועשי הרע לתקומת המשפט׃

כי הכתוב אמר כל המאמין בו לא יבוש׃

כי כל אשר יקרא בשם יהוה ימלט׃

כי לזאת מת המשיח ויקם ויחי למען יהיה אדון גם על המתים גם על החיים׃

כי כל שת תחת רגליו ובאמרו כל הושת תחתיו ברור הוא שהשת כל תחתיו איננו בכלל׃

האדם הראשון מן האדמה הוא של עפר והאדם השני הוא האדון מן השמים׃

אשר פעל במשיח בהעיר אתו מן המתים ויושיבנו לימינו במרומים׃

וישת כל תחת רגליו ויתן אתו לראש על הכל אל העדה׃

אדון אחד אמונה אחת טבילה אחת׃

אבל לכל אחד ואחד ממנו נתן החסד כמדת מתנת המשיח׃

ועלה שאמר מה הוא אם לא שירד ירד מקדם לתחתיות ארץ׃

והוא נתן את אלה שליחים ואת אלה נביאים ואת אלה מבשרים ואת אלה רעים ומלמדים׃

וכל לשון תודה כי אדון הוא ישוע המשיח לכבוד אלהים האב׃

והוא צלם האלהים הנעלם ובכור כל נברא׃

והוא לפני הכל והכל קים בו׃

אשר נתנו ליורש כל וגם עשה בידו את העולמות׃

ובהביאו את הבכור שנית לעולם אמר והשתחוו לו כל מלאכים אלהים׃

אך על הבן אמר כסאך אלהים עולם ועד שבט מישר שבט מלכותך׃

ועוד אתה אדני לפנים הארץ יסדת ומעשה ידיך שמים׃

כלבוש תחליפם ויחלפו ואתה הוא ושנותיך לא יתמו׃

אשר הוא לימין אלהים אחרי אשר עבר השמימה ויכנעו לפניו המלאכים והרשיות והגבורות׃

ומאת ישוע המשיח העד הנאמן ובכור מן המתים ועליון למלכי ארץ לו אשר אהב אתנו ובדמו גאלנו מחטאתינו׃

ואהי מת והנני חי לעולמי עולמים אמן ובידי מפתחות שאול ומות׃

המה ילחמו בשה והשה יכול יוכל להם כי הוא אדני האדנים ומלך המלכים ועמו הקרואים והבחירים והנאמנים׃

ועל בגדו ועל ירכו כתוב שם מלך המלכים ואדני האדנים׃