וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

כי כל פעל עולה ישנא את האור ולא יבא לאור פן יוכחו מעשיו׃

לא יוכל העולם לשנוא אתכם ואתי ישנא באשר אני מעיד עליו כי רעים מעלליו׃

ועתה הנהייתי לכם לאיב בדברי אמת אליכם׃

ובכל מרמת און באבדים תחת אשר לא קבלו את אהבת האמת להושע׃

כי בוא תבא העת אשר לא יכילו את הלקח הבריא כי אם כאות נפשם יקבצו להם מורים לשעשעי אזנים׃

ויטו אזניהם מן האמת ויפנו אל ההגדות׃