מן העת הזאת רבים מתלמידיו נסגו אחור ולא יספו להתהלך אתו׃

ויאמר ישוע אל היהודים המאמינים בו אם תעמדו בדברי באמת תלמידי אתם׃

וילנו עליו היהודים על אמרו אנכי הוא הלחם הירד מן השמים׃

ויאמרו הלא זה הוא ישוע בן יוסף אשר אנחנו ידעים את אביו ואת אמו ואיך יאמר מן השמים באתי׃

מדוע לא תבינו לשוני יען לא תוכלון לשמע את דברי׃

ואשרי אשר לא יכשל בי׃

על זאת יש לנו לדבר הרבה וקשות לבאר לכם במלין יען כי כבדו אזניכם׃

וכן בכל אגרותיו בדברו שם על אלה ובהם יש דברים קשי ההבנה והבערים והפתאים יהפכו אתם כאשר גם יעשו לכתבים האחרים לאבדן נפשם׃