לא אקח כבוד מבני אדם׃

ויען ישוע אם אני מכבד את נפשי כבודי מאין אבי הוא המכבד אתי אשר תאמרו עליו כי הוא אלהיכם׃

אך אלה נכתבו למען תאמינו כי ישוע הוא המשיח בן אלהים ולמען יהיו לכם המאמינים חיי עולם בשמו׃

ירושלים ירושלים ההרגת את הנביאים והסקלת את הנשלחים אליה כמה פעמים חפצתי לקבץ את בניך כאשר תקבץ התרנגלת את אפרוחיה תחת כנפיה ואתם לא אביתם׃

כי בא בן האדם לבקש ולהושיע את האבד׃

ויהי כאשר קרב וירא את העיר ויבך עליה לאמר׃

לו ידעת אף את בעוד יומך הזה את דבר שלומך ועתה נעלם מעיניך׃

ואשר תקרא בשמו תשובה וסליחת החטאים בכל הגוים החל מירושלים׃

כי מה הוא אם מקצתם לא האמינו היבטל חסרון אמונתם את אמונת אלהים׃

אחי חפץ לבבי ותפלתי לאלהים בעד ישראל אשר יושעו׃

ועל ישראל הוא אמר פרשתי ידי כל היום אל עם סורר ומרה׃

אל נא יכבשך הרע כבוש אתה את הרע בטוב׃

ולחלשים הייתי כחלש לקנות את החלשים הכל לכלם נהייתי למען בכל דרך אושיע אחדים׃

כי כן טוב ורצוי בעיני אלהים מושיענו׃

אשר חפצו שיושעו כל בני האדם ויגיעו להכרת האמת׃

שית לבך לנפשך ולהוראה והחזק בזה כי בעשותך כן תושיע את נפשך ואת נפש השמעים אליך׃