זכרו את דברי אשר דברתי אליכם העבד איננו גדול מאדניו אם רדפו אתי גם אתכם ירדפו אם שמרו את דברי גם את דברכם ישמרו׃

ויפל ארצה וישמע קול מדבר אליו שאול שאול למה תרדפני׃

ויאמר מי אתה אדני ויאמר האדון אנכי ישוע אשר אתה רודף קשה לך לבעט בדרבנות׃

והנרפא לא ידע מי הוא כי סר ישוע וילך בהיות המון רב במקום ההוא׃

הלא משה נתן לכם את התורה ואין איש מכם עשה התורה מדוע תבקשו להרגני׃

ויען העם ויאמר שד בקרבך מי מבקש להרגך׃

ויאמרו אנשים מישבי ירושלים הלא זה הוא אשר בקשו להמיתו׃

אז ישובו ויבקשו לתפשו וימלט מידם׃

ויאמר אל האיש פשט את ידך ויפשט אתה ותרפא ותשב כידו האחרת׃

והפרושים יצאו מהרה ויתיעצו עליו עם ההורדוסיים לאבדו׃

והמה נמלאו חמה ויוסדו יחד מה לעשות לישוע׃