Jean 6:67-69
67
ויאמר ישוע אל שנים העשר היש את נפשכם גם אתם לסור ממני׃
68
ויען אתו שמעון פטרוס אדני אל מי נלך דברי חיי עולמים עמך׃
69
ואנחנו האמנו ונדע כי אתה המשיח בן אל חי׃
Jean 18:17
ותאמר האמה השערת אל פטרוס הלא גם אתה מתלמידי האיש הזה ויאמר אינני׃
Jean 18:25-27
25
ושמעון פטרוס עמד ומתחמם ויאמרו אליו הלא גם אתה מתלמידיו ויכחש ויאמר אינני׃
26
ויאמר איש מעבדי הכהן הגדול והוא מודע לאשר קצץ פטרוס את אזנו הלא ראיתיך עמו בתוך הגן׃
27
ויסף פטרוס לכחש ופתאם קרא התרנגול׃
Jean 21:7
ויאמר התלמיד ההוא אשר ישוע אהבו אל פטרוס זה הוא האדון ויהי כשמע שמעון פטרוס כי הוא האדון ויחגר את מעילו כי עירום היה ויתנפל אל הים׃
Jean 21:15-17
15
ויהי אחרי אכלם אמר ישוע אל שמעון פטרוס שמעון בן יונה התאהב אתי יותר מאלה ויאמר אליו כן אדני אתה ידעת כי אהבתיך ויאמר אליו רעה את טלאי׃
16
ויאמר אליו עוד הפעם שמעון בן יונה התאהב אתי ויאמר אליו כן אדני אתה ידעת כי אהבתיך ויאמר אליו נהג את צאני׃
17
ויאמר אליו פעם שלישית שמעון בן יונה התאהב אתי ויתעצב פטרוס על כי אמר אליו בשלישית התאהב אתי ויאמר אליו אדני את כל אתה יודע וידעת כי אהבתיך ויאמר אליו ישוע רעה את צאני׃
Matthieu 16:15
ויאמר אליהם ואתם מה תאמרו מי אני׃
Matthieu 16:16
ויען שמעון פטרוס ויאמר אתה הוא המשיח בן אלהים חיים׃
Luc 22:31
ויאמר האדון שמעון שמעון הנה תבע אתכם השטן לזרותכם כחטים׃
Luc 22:32
ואני התפללתי בעדך אשר לא תכלה אמונתך ואתה כאשר תשוב חזק את אחיך׃