ויאמר אליה ישוע אשה למה תבכי את מי תבקשי והיא חשבה כי הוא שמר הגן ותאמר אליו אדני אם אתה נשאת אתו מזה הגידה נא לי איפה הנחתו ולקחתיו משם׃

ויאמר אליה ישוע אל תגעי בי כי עוד לא עליתי אל אבי אך לכי נא אל אחי ואמרי אליהם אני עלה אל אבי ואביכם ואל אלהי ואלהיכם׃

ויהי לעת ערב ביום ההוא והוא אחד בשבת כאשר נסגרו דלתות הבית אשר נקבצו שם התלמידים מיראת היהודים ויבא ישוע ויעמד ביניהם ויאמר אליהם שלום לכם׃

ויספרו גם הם את אשר נעשה להם בדרך ואיך הכירהו בבציעת הלחם׃

והמה חתו ונבעתו ויחשבו כי רוח ראו׃

ראו את ידי ואת רגלי כי אנכי הוא משוני וראו כי רוח אין לו בשר ועצמות כאשר אתם ראים שיש לי׃

את זה נשא האלהים בימינו לשר ולמושיע לתת תשובה לישראל וסליחת החטאים׃

ואחרי כן נראה ליותר מחמש מאות אחים כאחד אשר רבם עודם בחיים ומקצתם ישנו׃

ואחרי כלם נראה גם אלי כמו אל הנפל׃

נגד אבותם עשה פלא בארץ מצרים שדה צען׃

וינחם בענן יומם וכל הלילה באור אש׃

ויוצא נוזלים מסלע ויורד כנהרות מים׃

וינסו אל בלבבם לשאל אכל לנפשם׃

הן הכה צור ויזובו מים ונחלים ישטפו הגם לחם יוכל תת אם יכין שאר לעמו׃

כי לא האמינו באלהים ולא בטחו בישועתו׃

אשר נסוני אבותיכם בחנוני גם ראו פעלי׃

נפלאות בארץ חם נוראות על ים סוף׃

וימאסו בארץ חמדה לא האמינו לדברו׃

ויען ויאמר להם בערב תאמרו יום צח יהיה כי אדמו השמים׃

דור רע ומנאף בקש לו אות ואות לא ינתן לו בלתי אם אות יונה הנביא ויעזבם וילך לו׃

ואחרי אמרו את זאת הראה אתם את ידיו ואת רגליו׃