וכאשר הגביה משה את הנחש במדבר כן צריך בן האדם להנשא׃

אז ירימו היהודים כפעם בפעם אבנים לסקלו׃

ויענו היהודים אתו לאמר על מעשה טוב לא נסקל אתך כי אם על גדפך את אלהים ועל כי אדם אתה ותעש את עצמך לאלהים׃

ואני בהנשאי מעל הארץ אמשך כלם אלי׃

וזאת דבר לרמוז אי זה מות הוא עתיד למות׃

ומסרו אותו לגוים להתל בו ולהכות אותו בשוטים ולצלב אותו וביום השלישי קום יקום׃

אתם ידעתם כי אחרי יומים יהיה הפסח ובן האדם ימסר להצלב׃

כי ימסר לגוים ויהתלו בו ויתעללו בו וירקו בפניו׃

ואחרי הכותם אתו בשוטים ימיתוהו וביום השלישי קום יקום׃

כי צריך בן האדם להמסר לידי אנשים חטאים ולהצלב וביום השלישי קום יקום׃

ותזכרנה את דבריו׃

ויסקלו את אסטפנוס והוא משוע ואמר אדני ישוע קבל את רוחי׃

לא תלין נבלתו על העץ כי קבור תקברנו ביום ההוא כי קללת אלהים תלוי ולא תטמא את אדמתך אשר יהוה אלהיך נתן לך נחלה׃

כי סבבוני כלבים עדת מרעים הקיפוני כארי ידי ורגלי׃

המשיח פדנו מקללת התורה בהיותו לקללה בעדנו שנאמר קללת אלהים תלוי׃