אבי חפצתי כי גם הם אשר נתתם לי יהיו עמי באשר אהיה אני למען יחזו את כבודי אשר נתת לי כי אהבתני לפני מוסדות עולם׃

את האלהים לא ראה איש מעולם הבן היחיד אשר בחיק האב הוא הודיע׃

ואיש לא עלה השמימה בלתי אם אשר ירד מן השמים בן האדם אשר הוא בשמים׃

אני ואבי אחד אנחנו׃

ויאמר אליו ישוע זה כמה ימים אנכי אתכם ואתה פילפוס הטרם תדעני הראה אתי ראה את האב ולמה זה תאמר הראנו את האב׃

יהוה קנני ראשית דרכו קדם מפעליו מאז׃

באין תהמות חוללתי באין מעינות נכבדי מים׃

עד לא עשה ארץ וחוצות וראש עפרות תבל׃

באמצו שחקים ממעל בעזוז עינות תהום׃

ואהיה אצלו אמון ואהיה שעשעים יום יום משחקת לפניו בכל עת׃

אשר אף כי היה בדמות האלהים לא חשב לו לשלל היותו שוה לאלהים׃

והוא צלם האלהים הנעלם ובכור כל נברא׃

והוא לפני הכל והכל קים בו׃

והוא זהר כבודו וצלם ישותו ונושא כל בדבר גבורתו ואחרי עשתו בנפשו טהרת חטאתינו ישב לימין הגדלה במרומים׃

ועוד אתה אדני לפנים הארץ יסדת ומעשה ידיך שמים׃

והחיים נגלו ונרא ומעידים אנחנו ומודיעים לכם את חיי העולם אשר היו עם האב ונגלו לנו׃

וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃

וארא ואשמע קול מלאכים רבים סביב לכסא ולחיות ולזקנים מספרם רבו רבבות ואלפי אלפים׃

וכל בריה אשר בשמים ובארץ ומתחת לארץ ואשר על הים וכל אשר בהם את כלם שמעתי אמרים לאמר לישב על הכסא ולשה הברכה וההדר והכבוד והעז לעולמי עולמים׃

בראשית היה הדבר והדבר היה את האלהים ואלהים היה הדבר׃

הכל נהיה על ידו ומבלעדיו לא נהיה כל אשר נהיה׃

אז יאמר המלך אל הנצבים לימינו באו ברוכי אבי ורשו את המלכות המוכנה לכם למן הוסד העולם׃

הנודע מראש לפני מוסדות תבל ונגלה באחרית הימים למענכם׃

וישתחוו לה כל ישבי הארץ אשר לא נכתבו שמותם בספר החיים אשר לשה הטבוח מיום הוסד תבל׃