אבי פאר את שמך ותצא בת קול מן השמים גם פארתי וגם אוסיף לפאר׃

הוא יצא וישוע אמר עתה נתפאר בן האדם והאלהים נתפאר בו׃

אם האלהים נתפאר בו גם האלהים הוא יפארהו בעצמו ובמהרה יפארהו׃

וכל אשר תשאלו בשמי אעשנו למען יכבד האב בבנו׃

ויאמר אליהם ישוע מאכלי הוא לעשות רצון שלחי ולהשלים מעשהו׃

ואני יש לי עדות גדולה מעדות יוחנן כי המעשים אשר נתן לי אבי להשלימם המעשים האלה אשר אני עשה מעידים עלי כי האב שלחני׃

ויען ישוע לא זה חטא ולא יולדיו אך למען יגלו בו מעללי אל׃

אך למען ידע העולם כי את אבי אני אהב וכאשר צוני אבי כן אני עשה קומו ונלכה מזה׃

אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃

ויקח ישוע את החמץ ויאמר כלה ויט את ראשו ויפקד את רוחו׃

אבל לא אחוש לאחת מהנה וגם נפשי לא יקרה בעיני למען אשלים בשמחה את מרוצתי ואת השרות אשר קבלתי מאת האדון ישוע להעיד על בשורת חסד אליהם׃

המלחמה הטובה נלחמתי את המרוצה השלמתי את האמונה שמרתי׃