בקרב עלי מרעים לאכל את בשרי צרי ואיבי לי המה כשלו ונפלו׃

וארח צדיקים כאור נגה הולך ואור עד נכון היום׃

דרך רשעים כאפלה לא ידעו במה יכשלו׃

החכם עיניו בראשו והכסיל בחשך הולך וידעתי גם אני שמקרה אחד יקרה את כלם׃

תנו ליהוה אלהיכם כבוד בטרם יחשך ובטרם יתנגפו רגליכם על הרי נשף וקויתם לאור ושמה לצלמות ישית לערפל׃

ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח׃

האהב את אחיו יעמד באור ומכשול אין בו׃

והשנא את אחיו בחשך הוא ובחשך יתהלך ולא ידע אנה הוא הלך כי החשך עור את עיניו׃