ויעל על לבבם לחשוב מי הוא הגדול בהם׃

והם לא הבינו את הדבר אשר דבר אליהם׃

והם לא הבינו מאומה ויהי הדבר הזה נעלם מהם ולא ידעו את הנאמר׃

ויקחהו פטרוס ויחל לגער בו לאמר חס לך אדני אל יהי לך כזאת׃

ויחשבו ויאמרו איש אל רעהו על כי לחם אין אתנו׃

עינים לכם ולא תראו ואזנים לכם ולא תשמעו ולא תזכרו׃

וישמרו את הדבר בלבבם וידרשו לדעת מה היא התקומה מן המתים׃

והם לא הבינו את הדבר וייראו לשאל אותו׃

וכל זאת לא הבינו תלמידיו בראשונה אך אחרי אשר נתפאר ישוע זכרו כי כן כתוב עליו וכי זאת עשו לו׃

ויענו אתו העם ויאמרו הנה שמענו בתורה כי המשיח יכון לעולם ואיך אמרת כי בן האדם צריך להנשא ומי בן האדם הלזה׃

ויאמר אליו תומא אדני לא ידענו אנה אתה הלך ואיככה נדע את הדרך׃

ומקצת תלמידיו נדברו איש אל אחיו לאמר מה זה אמר אלינו הן מעט ולא תראוני ועוד מעט ותחזוני ואמרו אני הלך אל אבי׃

ויאמרו מה זה אשר אמר מעט לא ידענו מה דבר׃

אבל נטמטמו דעותיהם כי עד היום הזה בקראם הברית הישנה נשאר ולא גלה המסוה ההוא אשר לא יוסר כי אם במשיח׃

וכשיפנו אל האדון יוסר המסוה׃