למנצח על שושנים לדוד הושיעני אלהים כי באו מים עד נפש׃

טבעתי ביון מצולה ואין מעמד באתי במעמקי מים ושבלת שטפתני׃

אפפוני חבלי מות ומצרי שאול מצאוני צרה ויגון אמצא׃

ובשם יהוה אקרא אנה יהוה מלטה נפשי׃

הביט ימין וראה ואין לי מכיר אבד מנוס ממני אין דורש לנפשי׃

זעקתי אליך יהוה אמרתי אתה מחסי חלקי בארץ החיים׃

צפו מים על ראשי אמרתי נגזרתי׃

קולי שמעת אל תעלם אזנך לרוחתי לשועתי׃

וישוע ותלמידיו היו גם הם קרואים אל החתנה׃

ויאמר אליה ישוע מה לי ולך אשה עתי עדין לא באה׃

והנה ששה כדי אבן ערוכים שם כמשפט היהודים לטהרתם שתים או שלש בתים יכיל כל אחד׃

ויהי כראתו את הרוח כי חזקה היא ויירא ויחל לטבע ויצעק לאמר אדני הושיעני׃

ואנחנו בלבבנו חרצנו לנו את המות למען לא נהיה בטחים בנפשנו כי אם באלהים המחיה את המתים׃

אשר הצילנו ממות כזה ועודנו מציל ולו אנחנו מקוים כי יוסיף להצילנו׃

משביח שאון ימים שאון גליהם והמון לאמים׃

תהום כלבוש כסיתו על הרים יעמדו מים׃

יעלו הרים ירדו בקעות אל מקום זה יסדת להם׃

ויאמר ויעמד רוח סערה ותרומם גליו׃

יחוגו וינועו כשכור וכל חכמתם תתבלע׃

יקם סערה לדממה ויחשו גליהם׃

מדוע באתי ואין איש קראתי ואין עונה הקצור קצרה ידי מפדות ואם אין בי כח להציל הן בגערתי אחריב ים אשים נהרות מדבר תבאש דגתם מאין מים ותמת בצמא׃

האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

גוער בים ויבשהו וכל הנהרות החריב אמלל בשן וכרמל ופרח לבנון אמלל׃