פי צדיק יהגה חכמה ולשונו תדבר משפט׃

תורת אלהיו בלבו לא תמעד אשריו׃

לעשות רצונך אלהי חפצתי ותורתך בתוך מעי׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

פי יספר צדקתך כל היום תשועתך כי לא ידעתי ספרות׃

אלהים למדתני מנעורי ועד הנה אגיד נפלאותיך׃

כסף נבחר לשון צדיק לב רשעים כמעט׃

שפתי צדיק ירעו רבים ואוילים בחסר לב ימותו׃

יש בוטה כמדקרות חרב ולשון חכמים מרפא׃

שמחה לאיש במענה פיו ודבר בעתו מה טוב׃

הט אזנך ושמע דברי חכמים ולבך תשית לדעתי׃

כי נעים כי תשמרם בבטנך יכנו יחדו על שפתיך׃

האיש הטוב מאוצר לבו הטוב מוציא את הטוב והאיש הרע מאוצר הרע מוציא רע׃

המאמין בי כדבר הכתוב מבטנו ינהרו נהרי מים חיים׃

כל דבר נבול לא יצא מפיכם כי אם הטוב והמועיל לבנות לפי הצרך למען יתן חן לשמעיו׃

אבל זנות וכל טמאה ואהבת בצע בל יזכר ביניכם כאשר נאוה לקדשים׃

גם לא נבול פה ודברי סכלות ולעג אשר לא כהגן כי אם קול תודה׃

ושיחו איש לרעהו בתהלות ותשבחות ושירות רוחניות שירו וזמרו לאדני בלבבכם׃

דבריכם יהיו נעימים בכל עת וממלחים במלח למען תדעו להשיב דבר לכל אדם׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃

אבל יש לנו האוצר הזה בכלי חרש למען אשר תהיה הגבורה היתרה לאלהים ולא מאתנו׃

לי צעיר הצעירים שבכל הקדשים נתן החסד הזה לבשר בגוים את עשר המשיח אשר לא יחקר׃

דבר האדון ישכן בקרבכם בשפע רב בכל חכמה ותלמדו ותעוררו את נפשכם בתהלות ותשבחות ושירות רוחניות ושירו ליהוה בנעימה בלבבכם׃

כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

שוא ידברו איש את רעהו שפת חלקות בלב ולב ידברו׃

אשר אמרו ללשננו נגביר שפתינו אתנו מי אדון לנו׃

ואם בא לראות שוא ידבר לבו יקבץ און לו יצא לחוץ ידבר׃

יחד עלי יתלחשו כל שנאי עלי יחשבו רעה לי׃

הוות תחשב לשונך כתער מלטש עשה רמיה׃

אהבת כל דברי בלע לשון מרמה׃

הנה יביעון בפיהם חרבות בשפתותיהם כי מי שמע׃

חטאת פימו דבר שפתימו וילכדו בגאונם ומאלה ומכחש יספרו׃

אשר שננו כחרב לשונם דרכו חצם דבר מר׃

יחזקו למו דבר רע יספרו לטמון מוקשים אמרו מי יראה למו׃

וירם אלהים חץ פתאום היו מכותם׃

טמנו גאים פח לי וחבלים פרשו רשת ליד מעגל מקשים שתו לי סלה׃

מי יתנני במדבר מלון ארחים ואעזבה את עמי ואלכה מאתם כי כלם מנאפים עצרת בגדים׃

איש מרעהו השמרו ועל כל אח אל תבטחו כי כל אח עקוב יעקב וכל רע רכיל יהלך׃

ויאמר פטרוס חנניה למה זה מלא השטן את לבבך לשקר ברוח הקדש ולהסתיר ממחיר השדה׃

ויאמר תנו נא גם לי את היכלת הזאת אשר יקבל את רוח הקדש כל אשר אשים עליו את ידי׃

אין לך חלק וגורל בדבר הזה כי לבבך איננו ישר לפני האלהים׃

כי ראה אנכי כי באת לידי מרורת רוש וחרצבות רשע׃

קבר פתוח גרונם לשונם יחליקון חמת עכשוב תחת שפתימו׃

אשר אלה פיהם מלא ומררות׃

ראה מה גדול היער ואש קטנה תבעירנו גם הלשון אש היא עולם מלא עולה׃

כי מין כל בהמה ועוף ורמש וחיות הים יכבש ונכבשים הם על ידי מין האדם׃

לעשות משפט בכלם ולהוכיח כל רשעי ארץ על כל מעשי רשעתם ועל כל הקשות אשר דברו עליו חטאים אנשי רשע׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

ואני אמר לכם כל מלה בטלה אשר ידברו בני האדם יתנו עליה חשבון ביום הדין׃