וכל השאל ממך תן לו והלקח את אשר לך אל תשאל מאתו׃

נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשך ובכל משלח ידך׃

ברוך יהוה אלהי אבותינו אשר נתן כזאת בלב המלך לפאר את בית יהוה אשר בירושלם׃

ועלי הטה חסד לפני המלך ויועציו ולכל שרי המלך הגברים ואני התחזקתי כיד יהוה אלהי עלי ואקבצה מישראל ראשים לעלות עמי׃

אם אמנע מחפץ דלים ועיני אלמנה אכלה׃

כי מנעורי גדלני כאב ומבטן אמי אנחנה׃

אם לא ברכוני חלצו ומגז כבשי יתחמם׃

ויבאו אליו כל אחיו וכל אחיתיו וכל ידעיו לפנים ויאכלו עמו לחם בביתו וינדו לו וינחמו אתו על כל הרעה אשר הביא יהוה עליו ויתנו לו איש קשיטה אחת ואיש נזם זהב אחד׃

כבד את יהוה מהונך ומראשית כל תבואתך׃

וימלאו אסמיך שבע ותירוש יקביך יפרצו׃

ברכת יהוה היא תעשיר ולא יוסף עצב עמה׃

מלוה יהוה חונן דל וגמלו ישלם לו׃

טוב עין הוא יברך כי נתן מלחמו לדל׃

שלח לחמך על פני המים כי ברב הימים תמצאנו׃

תן חלק לשבעה וגם לשמונה כי לא תדע מה יהיה רעה על הארץ׃

והמשקה את אחד הקטנים האלה רק כוס מים קרים לשם תלמיד אמן אמר אני לכם כי לא יאבד שכרו׃

למען גם יתרם יהיה למלא מחסרכם כדי להשות׃

ככתוב לא העדיף המרבה והממעיט לא החסיר׃

כי הנה הזרע בצמצום גם יקצר בצמצום והזרע בברכות גם יקצר בברכות׃

ואלהים יכל להשפיע עליכם כל חסד עד כי יהיה לכם בכל עת די ספוקכם בכל ותותירו בכל מעשה טוב׃

לא שאבקש את המתן אך אבקש הפרי אשר ירבה בחשבנכם׃

ואלהי הוא ימלא את כל צרככם כעשר כבודו במשיח ישוע׃

והשב לשכנינו שבעתים אל חיקם חרפתם אשר חרפוך אדני׃

כי יקום עד חמס באיש לענות בו סרה׃

ודרשו השפטים היטב והנה עד שקר העד שקר ענה באחיו׃

והנשארים ישמעו ויראו ולא יספו לעשות עוד כדבר הרע הזה בקרבך׃

ויאמר אדני בזק שבעים מלכים בהנות ידיהם ורגליהם מקצצים היו מלקטים תחת שלחני כאשר עשיתי כן שלם לי אלהים ויביאהו ירושלם וימת שם׃

ויתלו את המן על העץ אשר הכין למרדכי וחמת המלך שככה׃

ובבאה לפני המלך אמר עם הספר ישוב מחשבתו הרעה אשר חשב על היהודים על ראשו ותלו אתו ואת בניו על העץ׃

עם חסיד תתחסד עם גבר תמים תתמם׃

עם נבר תתברר ועם עקש תתפתל׃

למנצח מזמור לדוד אשרי משכיל אל דל ביום רעה ימלטהו יהוה׃

יהוה ישמרהו ויחיהו יאשר בארץ ואל תתנהו בנפש איביו׃

כי במשפט אשר אתם שפטים בו תשפטו ובמדה אשר אתם מדדים בה ימד לכם׃

ויאמר אליהם ראו מה אתם שמעים במדה אשר אתם מודדים בה ימד לכם ועוד יוסף לכם השמעים׃

כי אין חסד בדין לאשר לא עשה חסד והחסד יתגאה על הדין׃

ואשמע את מלאך המים אמר צדיק אתה ההוה והיה והקדוש כי כן שפטת׃

כי דם קדשים ונביאים שפכו ודם השקיתם כי גמול ידם הוא׃