Luc 6:25
אוי לכם השבעים כי תרעבו אוי לכם השחקים כעת כי תתאבלו ותבכו׃
Luc 1:53
רעבים מלא טוב ועשירים שלח ריקם׃
Psaumes 42:1
למנצח משכיל לבני קרח כאיל תערג על אפיקי מים כן נפשי תערג אליך אלהים׃
Psaumes 42:2
צמאה נפשי לאלהים לאל חי מתי אבוא ואראה פני אלהים׃
Psaumes 143:6
פרשתי ידי אליך נפשי כארץ עיפה לך סלה׃
Esaïe 55:1
הוי כל צמא לכו למים ואשר אין לו כסף לכו שברו ואכלו ולכו שברו בלוא כסף ובלוא מחיר יין וחלב׃
Esaïe 55:2
למה תשקלו כסף בלוא לחם ויגיעכם בלוא לשבעה שמעו שמוע אלי ואכלו טוב ותתענג בדשן נפשכם׃
1 Corinthiens 4:11
ועד השעה הזאת הננו רעבים גם צמאים וערמים ומכים באגרף ואין מנוח לנו׃
2 Corinthiens 11:27
בעמל ובתלאה בשקידות הרבה ברעב ובצמא בצומות הרבה בקר ובעירום׃
2 Corinthiens 12:10
לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃
Psaumes 17:15
אני בצדק אחזה פניך אשבעה בהקיץ תמונתך׃
Psaumes 63:1-5
1
מזמור לדוד בהיותו במדבר יהודה אלהים אלי אתה אשחרך צמאה לך נפשי כמה לך בשרי בארץ ציה ועיף בלי מים׃
2
כן בקדש חזיתיך לראות עזך וכבודך׃
3
כי טוב חסדך מחיים שפתי ישבחונך׃
4
כן אברכך בחיי בשמך אשא כפי׃
5
כמו חלב ודשן תשבע נפשי ושפתי רננות יהלל פי׃
Psaumes 65:4
אשרי תבחר ותקרב ישכן חצריך נשבעה בטוב ביתך קדש היכלך׃
Psaumes 107:9
כי השביע נפש שקקה ונפש רעבה מלא טוב׃
Esaïe 25:6
ועשה יהוה צבאות לכל העמים בהר הזה משתה שמנים משתה שמרים שמנים ממחים שמרים מזקקים׃
Esaïe 44:3
כי אצק מים על צמא ונזלים על יבשה אצק רוחי על זרעך וברכתי על צאצאיך׃
Esaïe 44:4
וצמחו בבין חציר כערבים על יבלי מים׃
Esaïe 49:9
לאמר לאסורים צאו לאשר בחשך הגלו על דרכים ירעו ובכל שפיים מרעיתם׃
Esaïe 49:10
לא ירעבו ולא יצמאו ולא יכם שרב ושמש כי מרחמם ינהגם ועל מבועי מים ינהלם׃
Esaïe 65:13
לכן כה אמר אדני יהוה הנה עבדי יאכלו ואתם תרעבו הנה עבדי ישתו ואתם תצמאו הנה עבדי ישמחו ואתם תבשו׃
Esaïe 66:10
שמחו את ירושלם וגילו בה כל אהביה שישו אתה משוש כל המתאבלים עליה׃
Jérémie 31:14
ורויתי נפש הכהנים דשן ועמי את טובי ישבעו נאם יהוה׃
Jérémie 31:25
כי הרויתי נפש עיפה וכל נפש דאבה מלאתי׃
Matthieu 5:6
אשרי הרעבים והצמאים לצדקה כי הם ישבעו׃
Jean 4:10
ויען ישוע ויאמר אליה לו ידעת את מתת אלהים ומי הוא האמר אליך תני נא לי לשתות כי עתה שאלת ממנו ונתן לך מים חיים׃
Jean 6:35
ויאמר להם ישוע אנכי הוא לחם החיים כל הבא אלי לא ירעב ואשר יאמין בי לא יצמא עוד׃
Jean 7:37
ויהי ביום החג האחרון הגדול עמד ישוע ויקרא לאמר איש כי יצמא יבא נא אלי וישתה׃
Jean 7:38
המאמין בי כדבר הכתוב מבטנו ינהרו נהרי מים חיים׃
Apocalypse 7:16
לא ירעבו עוד ולא יצמאו ולא יכם שמש ושרב׃
Luc 6:25
אוי לכם השבעים כי תרעבו אוי לכם השחקים כעת כי תתאבלו ותבכו׃
Psaumes 6:6-8
6
יגעתי באנחתי אשחה בכל לילה מטתי בדמעתי ערשי אמסה׃
7
עששה מכעס עיני עתקה בכל צוררי׃
8
סורו ממני כל פעלי און כי שמע יהוה קול בכיי׃
Psaumes 42:3
היתה לי דמעתי לחם יומם ולילה באמר אלי כל היום איה אלהיך׃
Psaumes 119:136
פלגי מים ירדו עיני על לא שמרו תורתך׃
Psaumes 126:5
הזרעים בדמעה ברנה יקצרו׃
Psaumes 126:6
הלוך ילך ובכה נשא משך הזרע בא יבוא ברנה נשא אלמתיו׃
Ecclesiaste 7:2
טוב ללכת אל בית אבל מלכת אל בית משתה באשר הוא סוף כל האדם והחי יתן אל לבו׃
Ecclesiaste 7:3
טוב כעס משחק כי ברע פנים ייטב לב׃
Esaïe 30:19
כי עם בציון ישב בירושלם בכו לא תבכה חנון יחנך לקול זעקך כשמעתו ענך׃
Esaïe 57:17
בעון בצעו קצפתי ואכהו הסתר ואקצף וילך שובב בדרך לבו׃
Esaïe 57:18
דרכיו ראיתי וארפאהו ואנחהו ואשלם נחמים לו ולאבליו׃
Esaïe 61:1-3
1
רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃
2
לקרא שנת רצון ליהוה ויום נקם לאלהינו לנחם כל אבלים׃
3
לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
Jérémie 9:1
מי יתן ראשי מים ועיני מקור דמעה ואבכה יומם ולילה את חללי בת עמי׃
Jérémie 13:17
ואם לא תשמעוה במסתרים תבכה נפשי מפני גוה ודמע תדמע ותרד עיני דמעה כי נשבה עדר יהוה׃
Jérémie 31:9
בבכי יבאו ובתחנונים אובילם אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הוא׃
Jérémie 31:13
אז תשמח בתולה במחול ובחרים וזקנים יחדו והפכתי אבלם לששון ונחמתים ושמחתים מיגונם׃
Jérémie 31:18-20
18
שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃
19
כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעורי׃
20
הבן יקיר לי אפרים אם ילד שעשועים כי מדי דברי בו זכר אזכרנו עוד על כן המו מעי לו רחם ארחמנו נאם יהוה׃
Ezechiel 7:16
ופלטו פליטיהם והיו אל ההרים כיוני הגאיות כלם המות איש בעונו׃
Ezechiel 9:4
ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכה׃
Matthieu 5:4
אשרי האבלים כי הם ינחמו׃
Jean 11:35
ויבך ישוע׃
Jean 16:20
אמן אמן אני אמר לכם כי אתם תבכו ותילילו והעולם ישמח הן אתם תעצבו אכן עצבכם יהפך לששון׃
Jean 16:21
האשה בלדתה עצב לה כי באה עתה ואחרי ילדה את הילד לא תזכר עוד את עצבונה משמחתה כי אדם נולד לעולם׃
Romains 9:1-3
1
אמת אני מדבר במשיח ולא אשקף ודעתי מעידה לי ברוח הקדש׃
2
כי גדול עצבוני ואין קץ לדאבון לבי׃
3
כי מי יתן היתי אני מחרם מן המשיח בעד אחי שארי ובשרי׃
2 Corinthiens 1:4-6
4
המנחם אתנו בכל לחצנו עד שנוכל לנחם הנלחצים בכל לחץ בנחמה אשר אנחנו מנחמים בה מאת האלהים׃
5
כי כרב ענויי המשיח בנו כן תרבה נחמתנו על ידי המשיח׃
6
והנה אם נלחץ הוא לנחמתכם ולישועתכם אשר יראה כחה בסבלכם הענוים אשר נסבל אתן גם אנחנו ואם ננחם גם הוא לנחמתכם ולישועתכם׃
2 Corinthiens 6:10
כנעצבים ובכל עת שמחים כרשים ומעשירי רבים כאשר אין להם מאומה ויש להם כל׃
2 Corinthiens 7:10
כי העצבת שהיא כרצון אלהים תפעל תשובה לישועה אשר איש לא יתחרט עליה אבל עצבת העולם פעלת את המות׃
2 Corinthiens 7:11
כי ראו נא את אשר נעצבתם כרצון אלהים כמה הביא אתכם זה לידי זריזות גם להתנצלות גם לרגז גם ליראה גם לתשוקה גם לקנאה גם לנקמה ובכל הוכחתם כי נקיים אתם בדבר ההוא׃
Jacques 1:2-4
2
אך לשמחה חשבו לכם אחי כאשר תבאו בנסינות שונים׃
3
בדעתכם כי בחן אמונתכם מביא לידי סבלנות׃
4
והסבלנות שלמה תהיה בפעלה להיותכם שלמים ותמימים ולא תחסרו כל דבר׃
Jacques 1:12-4
1 Pierre 1:6-8
6
אשר בה תגילו אתם המתעצבים עתה מעט לפי הצרך במסת שנות׃
7
למען תמצא אמונתכם המזקקה יקרה הרבה מן הזהב האבד הצרוף באש לתהלה ולכבוד ולתפארת בהתגלות ישוע המשיח׃
8
אשר אהבתם ולא ראיתם ואשר עתה תאמינו בו בלא ראות אתו ובכן תגילו בשמחה מפארה עצמה מספר׃
Apocalypse 21:3
ואשמע קול גדול מן השמים לאמר הנה משכן אלהים עם בני האדם ושכן בתוכם והמה יהיו לו לעם והוא האלהים יהיה אתם אלהיהם׃
Génèse 17:17
ויפל אברהם על פניו ויצחק ויאמר בלבו הלבן מאה שנה יולד ואם שרה הבת תשעים שנה תלד׃
Génèse 21:6
ותאמר שרה צחק עשה לי אלהים כל השמע יצחק לי׃
Psaumes 28:7
יהוה עזי ומגני בו בטח לבי ונעזרתי ויעלז לבי ומשירי אהודנו׃
Psaumes 30:11
הפכת מספדי למחול לי פתחת שקי ותאזרני שמחה׃
Psaumes 30:12
למען יזמרך כבוד ולא ידם יהוה אלהי לעולם אודך׃
Psaumes 126:1
שיר המעלות בשוב יהוה את שיבת ציון היינו כחלמים׃
Psaumes 126:2
אז ימלא שחוק פינו ולשוננו רנה אז יאמרו בגוים הגדיל יהוה לעשות עם אלה׃
Esaïe 12:1
ואמרת ביום ההוא אודך יהוה כי אנפת בי ישב אפך ותנחמני׃
Esaïe 12:2
הנה אל ישועתי אבטח ולא אפחד כי עזי וזמרת יה יהוה ויהי לי לישועה׃
Esaïe 65:14
הנה עבדי ירנו מטוב לב ואתם תצעקו מכאב לב ומשבר רוח תילילו׃