Luc 9:1
ויקרא אל שנים העשר ויתן להם גבורה ושלטן על כל השדים ולרפא חליים׃
Luc 9:2
וישלחם לקרא את מלכות האלהים ולרפא את החלים׃
Matthieu 9:36-38
36
ובראותו את ההמנים נכמרו רחמיו עליהם כי הם מתעלפים ונדחים כצאן אשר אין להם רעה׃
37
אז ידבר לתלמדידיו ויאמר רב הקציר והפעלים מעטים׃
38
לכן התחננו אל בעל הקציר לשלח פעלים לקצירו׃
Matthieu 10:1-4
1
ויקרא אליו את שנים עשר תלמידיו ויתן להם שלטן על רוחות הטמאה לגרשם ולרפוא כל חלי וכל מדוה׃
2
ואלה שמות שנים עשר השליחים הראשון שמעון הנקרא פטרוס ואנדרי אחיו יעקב בן זבדי ויוחנן אחיו׃
3
פילפוס ובר תלמי תומא ומתי המוכס יעקב בן חלפי ולבי המכנה תדי׃
4
שמעון הקני ויהודה איש קריות אשר גם מסר אתו׃
Marc 3:13-19
13
ויעל אל ההר ויקרא אל אשר הוא חפץ בם ויבאו אליו׃
14
וישם שנים עשר איש למען יהיו אתו ולמען ישלחם לקרא׃
15
והיה להם השלטן לרפא את התחלאים ולגרש את השדים׃
16
ויכנה את שמעון בשם פטרוס׃
17
ואת יעקב בן זבדי ואת יוחנן אחי יעקב ויכנה אתם בשם בני רגוש הוא בני רעם׃
18
ואת אנדרי ואת פילפוס ואת בר תלמי ואת מתי ואת תומא ואת יעקב בן חלפי ואת תדי ואת שמעון הקני׃
19
ואת יהודה איש קריות אשר גם מסרו׃
Marc 6:7
ויקרא אל שנים העשר ויחל לשלח אותם שנים שנים ויתן להם שלטן על רוחות הטמאה׃
Luc 22:30
למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃
Matthieu 19:28
ויאמר ישוע אליהם אמן אמר אני לכם אתם ההלכים אחרי בהתחדש הבריאה כאשר ישב בן האדם על כסא כבודו תשבו גם אתם על שנים עשר כסאות לשפט את שנים עשר שבטי ישראל׃
Apocalypse 12:1
ואות גדולה נראתה בשמים אשה אשר השמש לבושה והירח תחת רגליה ועל ראשה עטרת שנים עשר כוכבים׃
Apocalypse 21:14
ולחומת העיר שנים עשר מוסדות ועליהם שנים עשר שמות לשנים עשר שליחי השה׃
Luc 11:49
בעבור זאת גם אמרה חכמת האלהים אשלח אליהם נביאים ושליחים ומהם יהרגו וירדפו׃
Ephésiens 2:20
בנוים על יסוד השליחים והנביאים וישוע המשיח הוא אבן הפנה׃
Ephésiens 4:11
והוא נתן את אלה שליחים ואת אלה נביאים ואת אלה מבשרים ואת אלה רעים ומלמדים׃
Hébreux 3:1
לכן אחי הקדושים חברים לקריאה של מעלה הביטו אל השליח וכהן הודיתנו הגדול אל המשיח ישוע׃
2 Pierre 3:2
לזכר את הדברים הנאמרים מקדם בידי הנביאים הקדשים ואת מצות אדנינו ומושיענו אשר נתנה בידנו השליחים׃
Apocalypse 18:20
רנו עליה השמים והשליחים הקדשים והנביאים כי שפט אלהים את משפטכם ממנה׃