ויתן לו ספר ישעיה הנביא ויפתח את הספר וימצא את המקום אשר היה כתוב בו׃

ואתם אל יהי כן ביניכם כי אם החפז להיות גדול בכם יהי לכם למשרת׃

כאשר בן האדם לא בא למען ישרתוהו כי אם לשרת ולתת את נפשו כפר תחת רבים׃

וירד אל אחת מן האניות אשר היא לשמעון ויבקש ממנו להוליכו מעט מן היבשה אל הים וישב וילמד את העם מתוך האניה׃

ויהי כראותו את המון העם ויעל ההרה וישב שם ויגשו אליו תלמידיו׃

ויפתח את פיהו וילמד אותם לאמר׃

ויהי ביום ההוא ויצא ישוע מן הבית וישב על הים׃

ויקהלו אליו המון עם רב וירד אל האניה וישב בה וכל העם עמדים על שפת הים׃

ויהי בבקר ויבא עוד אל המקדש וכל העם באו אליו וישב וילמדם׃

והמה נסעו מפרגי ויבאו אל אנטיוכיא אשר בפיסדיא ויבאו אל בית הכנסת ביום השבת וישבו׃

ויקם פולוס וינף ידו ויאמר אנשי ישראל ויראי אלהים שמעו׃

וביום השבת יצאנו אל מחוץ לעיר אל יד הנהר אשר שם מקום תפלה כמנהגם ונשב ונדבר אל הנשים הנקהלות שמה׃

ולא מצאו מה לעשות כי כל העם דבקו אחריו לשמע אתו׃

וירא פטרוס ויען ויאמר אל העם אנשי ישראל מה אתם תמהים על זאת ומה תסתכלו בנו כאלו אנחנו בכחנו ובחסידותנו שמנו את זה מתהלך׃