ויבז אתו הורדוס עם צבאותיו ויהתל בו וילבש אותו בגד זהורית וישלחהו אל פילטוס׃

ויתנו בברותי ראש ולצמאי ישקוני חמץ׃

וישרגו קצים ויעשו עטרת וישימו על ראשו וקנה בימינו ויכרעו לפניו ויתלוצצו בו לאמר שלום לך מלך היהודים׃

וירקו בו ויקחו את הקנה ויכהו על ראשו׃

ויתנו לו לשתות חמץ מזוג במרורה ויטעם ולא אבה לשתות׃

וימהר אחד מהם וירץ ויקח ספוג וימלא אתו חמץ וישימהו על קנה וישקהו׃

ויכו על ראשו בקנה וירקו בו ויכרעו על ברכיהם וישתחוו לו׃

ואחרי התלוצצם בו הפשיטו אותו את הארגמן וילבישהו את בגדיו ויוציאהו לצלב אותו׃

וירץ אחד מהם וימלא ספוג חמץ וישם על קנה וישקהו ויאמר הניחו ונראה אם יבא אליהו להורידו׃

ויהי מאחרי כן כאשר ידע ישוע כי עתה זה כלה הכל למען ימלא הכתוב כלו אמר צמאתי׃

ויקח ישוע את החמץ ויאמר כלה ויט את ראשו ויפקד את רוחו׃