וידע ישוע את מחשבותם ויען ויאמר אליהם מה אתם חשבים בלבבכם׃

והוא ידע את מחשבותם ויאמר אל האיש אשר ידו יבשה קום ועמוד בתוך ויקם ויעמד׃

והוא ידע את מחשבותם ויאמר אליהם כל ממלכה הנחלקה על עצמה תחרב ובית יפל על בית׃

והוא ישוע לא הפקיד את עצמו בידם על אשר ידע את כלם׃

ולא הצטרך לעדות איש על האדם כי הוא ידע מה בקרב האדם׃

כי חכמת העולם הזה סכלות היא לפני האלהים ככתוב לכד חכמים בערמם׃

ואין כל נברא נסתר מנגדו כי הכל חשוף וגלוי לעיני בעל דברים שלנו׃

ויארבו לו וישלחו מארבים והם נדמו כצדיקים למען ילכדו אותו בדבר להסגירו אל השררה ואל יד ההגמון׃

ויש אשר נסוהו וישאלו ממנו אות מן השמים׃

ויהי כדברו להם את אלה ויחלו הסופרים והפרושים לשטם אותו מאד ולהקשות לו בדברים רבים׃

ויארבו לו ויבקשו לצודד דבר מפיהו למען ימצאו עליו שטנה׃

אשר נסוני אבותיכם בחנוני גם ראו פעלי׃

ויגשו הפרושים והצדוקים לנסותו וישאלו מאתו להראותם אות מן השמים׃

וישוע ידע את רשעתם ויאמר החנפים מה תנסוני׃

ולא ננסה את המשיח כאשר נסוהו מקצתם ויאבדום הנחשים׃