ויקם כל קהלם ויוליכהו אל פילטוס׃

ויבז אתו הורדוס עם צבאותיו ויהתל בו וילבש אותו בגד זהורית וישלחהו אל פילטוס׃

ויאסרו אתו ויוליכהו משם וימסרהו אל פונטיוס פילטוס ההגמון׃

וישכימו ראשי הכהנים עם הזקנים והסופרים וכל הסנהדרין בבקר ויתיעצו ויאסרו את ישוע ויוליכהו משם וימסרהו אל פילטוס׃

ויוליכו את ישוע מבית קיפא אל בית המשפט ויהי בבקר השכם והמה לא נכנסו אל בית המשפט למען אשר לא יטמאו כי אם יאכלו את הפסח׃

ויענו ויאמרו אליו לולא היה זה עשה רע כי עתה לא הסגרנהו אליך׃

ויען פילטוס האף אנכי יהודי הלא עמך וראשי הכהנים הסגירוך אלי מה עשית׃

אלהי אברהם אלהי יצחק ואלהי יעקב אלהי אבותינו הוא פאר את עבדו ישוע אשר אתם מסרתם אותו וכחשתם בו בפני פילטוס כשהיה דן לפטרו׃

והאנשים אשר אחזו את ישוע התעללו בו ויכהו׃

ועוד גדופים אחרים הרבו עליו׃

ויבז אתו הורדוס עם צבאותיו ויהתל בו וילבש אותו בגד זהורית וישלחהו אל פילטוס׃

והעם עמד שם וראה וילעגו לו השרים לאמר את אחרים הושיע יושע נא את נפשו אם הוא המשיח בחיר האלהים׃

גוי נתתי למכים ולחיי למרטים פני לא הסתרתי מכלמות ורק׃

כאשר שממו עליך רבים כן משחת מאיש מראהו ותארו מבני אדם׃

נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃

עתה תתגדדי בת גדוד מצור שם עלינו בשבט יכו על הלחי את שפט ישראל׃

וירקו בפניו ויכהו באגרוף ואחרים הכהו על הלחי׃

ויפשיטו אותו את בגדיו ויעטפהו מעיל שני׃

וירקו בו ויקחו את הקנה ויכהו על ראשו׃

ויחלו מהם לרק בו ויחפו את פניו ויכהו באגרף ויאמרו אליו הנבא והמשרתים הכאיבהו בהכותם אותו על הלחי׃

וילבישהו ארגמן וישרגו עטרת קצים ויעטרהו׃

ויכו על ראשו בקנה וירקו בו ויכרעו על ברכיהם וישתחוו לו׃

ויהי כדברו הדברים האלה ויך אחד המשרתים העמד שמה את ישוע על הלחי ויאמר הכזאת תענה את הכהן הגדול׃

אז לקח פילטוס את ישוע וייסרהו בשוטים׃

ויאמרו שלום לך מלך היהודים ויכהו על הלחי׃

וישוע יצא החוץ ועליו עטרת הקצים ולבוש הארגמן ויאמר אליהם פילטוס הנה האדם׃