ויאמר אליהם מי בכם אשר יהיה לו אהב והלך ובא אליו בחצות הלילה ואמר אליו ידידי הלוני שלשת ככרות לחם׃

והוא מלפנים יענה ויאמר אל תוגיעני כי כבר נסגרה הדלת וילדי שוכבים עמדי במטה לא אוכל לקום ולתת לך׃

לכן שקדו בכל עת והתפללו למען תעצרו כח להמלט מכל העתידות האלה ולהתיצב לפני בן האדם׃

ויאמר יעקב אלהי אבי אברהם ואלהי אבי יצחק יהוה האמר אלי שוב לארצך ולמולדתך ואיטיבה עמך׃

הצילני נא מיד אחי מיד עשו כי ירא אנכי אתו פן יבוא והכני אם על בנים׃

ויותר יעקב לבדו ויאבק איש עמו עד עלות השחר׃

ויאמר שלחני כי עלה השחר ויאמר לא אשלחך כי אם ברכתני׃

כי מה תקות חנף כי יבצע כי ישל אלוה נפשו׃

אם על שדי יתענג יקרא אלוה בכל עת׃

אני אל אלהים אקרא ויהוה יושיעני׃

ערב ובקר וצהרים אשיחה ואהמה וישמע קולי׃

שמע תפלה עדיך כל בשר יבאו׃

חנני אדני כי אליך אקרא כל היום׃

פנה אל תפלת הערער ולא בזה את תפלתם׃

זעקתי אליך יהוה אמרתי אתה מחסי חלקי בארץ החיים׃

הוציאה ממסגר נפשי להודות את שמך בי יכתרו צדיקים כי תגמל עלי׃

וקראתם אתי והלכתם והתפללתם אלי ושמעתי אליכם׃

שמחו בתוחלת סבלו בצרה שקדו על התפלה׃

והתפללו תמיד בכל עת בתפלה ותחנונים ברוח ושקדו והתאמצו על זאת להעתיר תמיד בעד כל הקדשים׃

אל תדאגו כי אם בתפלה ובתחנונים עם תודה תודיעו בכל דבר את משאלותיכם לאלהינו׃

התמידו בתפלה ושקדו בה בתודה׃

אפפרס אשר הוא מכם שאל לשלומכם משרת המשיח הנאבק בעדכם בתפלתיו בכל עת למען תעמדו שלמים ומלאים דעת בכל רצון אלהים׃

התמידו בתפלה׃

לולא האמנתי לראות בטוב יהוה בארץ חיים׃

בהתעטף עלי נפשי את יהוה זכרתי ותבוא אליך תפלתי אל היכל קדשך׃

ואנחנו בעשות הטוב אל נחת כי נקצר בעתו אם לא נרפה׃

התבוננו אליו אשר נשא כלמת חטאים גדולה כזאת למען לא תיעפו ולא תיגעו בנפשותיכם׃

ותשכחו דבר הנחומים המדבר אליכם כמו אל בנים לאמר מוסר יהוה בני אל תמאס ואל תקץ בתוכחתו׃