וכי מי אני ומי עמי כי נעצר כח להתנדב כזאת כי ממך הכל ומידך נתנו לך׃

יהוה אלהינו כל ההמון הזה אשר הכיננו לבנות לך בית לשם קדשך מידך היא ולך הכל׃

הלאל יסכן גבר כי יסכן עלימו משכיל׃

החפץ לשדי כי תצדק ואם בצע כי תתם דרכיך׃

אם חטאת מה תפעל בו ורבו פשעיך מה תעשה לו׃

אם צדקת מה תתן לו או מה מידך יקח׃

אמרת ליהוה אדני אתה טובתי בל עליך׃

לקדושים אשר בארץ המה ואדירי כל חפצי בם׃

יהי דרכם חשך וחלקלקות ומלאך יהוה רדפם׃

כי חנם טמנו לי שחת רשתם חנם חפרו לנפשי׃

כל דרכי איש זך בעיניו ותכן רוחות יהוה׃

גל אל יהוה מעשיך ויכנו מחשבתיך׃

ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות ראו עיני׃

ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו׃

ואת עבד הבליעל השליכו אל החשך החיצון שם תהיה היללה וחרק השנים׃

וענו הצדיקים ואמרו אדנינו מתי ראינוך רעב ונכלכלך או צמא ונשקה אותך׃

ומתי ראינוך חולה או במשמר ונבא אליך׃

הכל סר יחדו נאלחו אין עשה טוב אין גם אחד׃

או מי הקדימו וישלם לו׃

אם אבשר את הבשורה אין לי תהלה כי החובה מטלת עלי ואוי לי אם לא אבשר׃

כי אם ברצוני אעשה כן יהיה לי שכר ואם בעל כרחי פקדת משמרתי היא׃

כי אני הצעיר בשליחים ואינני כדי להקרא שליח באשר רדפתי את קהל האלהים׃

אבל בחסד אלהים הייתי מה שהייתי וחסדו עלי לא היה לריק כי יותר מכלם עבדתי ולא אני כי אם חסד אלהים אשר עמדי׃

וגם עודני חשב את כלן לחסרון לעמת מעלת ידיעת ישוע המשיח אדני אשר בעבורו חסרתי את נפשי מכל אלה ואחשבם לסחי להרויח את המשיח ולהמצא בו׃

ולא תהיה לי צדקתי מתוך התורה כי אם באמונת המשיח הצדקה הבאה מאת האלהים באמונה׃

אשר מלפנים לא הועיל לך ועתה הוא להועיל גם לך גם לי והשיבתיו אליך׃

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן׃

השפילו נפשכם תחת יד אלהים החזקה למען ירומם אתכם בעתו׃