כי עתה שכבתי ואשקוט ישנתי אז ינוח לי׃

או עם שרים זהב להם הממלאים בתיהם כסף׃

שם רשעים חדלו רגז ושם ינוחו יגיעי כח׃

קטן וגדול שם הוא ועבד חפשי מאדניו׃

הצדיק אבד ואין איש שם על לב ואנשי חסד נאספים באין מבין כי מפני הרעה נאסף הצדיק׃

יבוא שלום ינוחו על משכבותם הלך נכחו׃

ואשמע קול מן השמים מדבר אלי כתב אשרי המתים אשר ימותו באדון מעתה אמנם כן אמר הרוח למען ינוחו מעמלם ומעשיהם הלך ילכו אחריהם׃

כי מלאכיו יצוה לך לשמרך בכל דרכיך׃

על כפים ישאונך פן תגף באבן רגלך׃

והשדה הוא העולם והזרע הטוב בני המלכות הם והזונין בני הרע המה׃

והנה כאשר ילקטו הזונין ונשרפו באש כן יהיה בקץ העולם הזה׃

והשליכו אתם אל תנור האש שם תהיה היללה וחרק השנים׃

וישלח את מלאכיו בקול שופר גדול ויקבצו את בחיריו מארבע הרוחות למקצה השמים ועד קצה השמים׃

ויען כי הילדים כלם יחדו בשר ודם אף הוא לבש בשר ודם כמוהם למען אשר יבטל על ידי המות את אשר לו ממשלת המות הוא השטן׃

ואני אמר לכם רבים יבאו ממזרח וממערב ויסבו עם אברהם ויצחק ויעקב במלכות השמים׃

ואחד מתלמידיו מסב על חיק ישוע אשר ישוע אהבו׃

ויפן פטרוס וירא את התלמיד אשר ישוע אהבו הלך אחריהם הוא הנפל על לבו בעת הסעודה וגם שאל אדני מי הוא זה אשר ימסרך׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

יבלו בטוב ימיהם וברגע שאול יחתו׃

כי ליום איד יחשך רע ליום עברות יובלו׃

והוא לקברות יובל ועל גדיש ישקוד׃

הבטחים על חילם וברב עשרם יתהללו׃

ויקר פדיון נפשם וחדל לעולם׃

כי יראה חכמים ימותו יחד כסיל ובער יאבדו ועזבו לאחרים חילם׃

ואדם ביקר בל ילין נמשל כבהמות נדמו׃

אל תירא כי יעשר איש כי ירבה כבוד ביתו׃

כי נפשו בחייו יברך ויודך כי תיטיב לך׃

אך בחלקות תשית למו הפלתם למשואות׃

כחלום מהקיץ אדני בעיר צלמם תבזה׃

ברעתו ידחה רשע וחסה במותו צדיק׃

כי מה יסכן לאדם כי יקנה את כל העולם ונשחתה נפשו׃

כי זרח השמש בחמתו וייבש את החציר ויבל ציצו וחסד מראהו אבד כן יבול העשיר בהליכותיו׃

למען נחיה לצדקה מאחר שנפטרנו מן החטאים׃

ויבא ויאכל וישת ויאמר פקדו נא את הארורה הזאת וקברוה כי בת מלך היא׃

וילכו לקברה ולא מצאו בה כי אם הגלגלת והרגלים וכפות הידים׃

ובכן ראיתי רשעים קברים ובאו וממקום קדוש יהלכו וישתכחו בעיר אשר כן עשו גם זה הבל׃

כל מלכי גוים כלם שכבו בכבוד איש בביתו׃

מה לך פה ומי לך פה כי חצבת לך פה קבר חצבי מרום קברו חקקי בסלע משכן לו׃