ושבת עד יהוה אלהיך ושמעת בקלו ככל אשר אנכי מצוך היום אתה ובניך בכל לבבך ובכל נפשך׃

אם יהיה נדחך בקצה השמים משם יקבצך יהוה אלהיך ומשם יקחך׃

ישר על אנשים ויאמר חטאתי וישר העויתי ולא שוה לי׃

פדה נפשי מעבר בשחת וחיתי באור תראה׃

כי אתה אדני טוב וסלח ורב חסד לכל קראיך׃

ואתה אדני אל רחום וחנון ארך אפים ורב חסד ואמת׃

לא כחטאינו עשה לנו ולא כעונתינו גמל עלינו׃

כרחק מזרח ממערב הרחיק ממנו את פשעינו׃

התשכח אשה עולה מרחם בן בטנה גם אלה תשכחנה ואנכי לא אשכחך׃

דרשו יהוה בהמצאו קראהו בהיותו קרוב׃

כי לא מחשבותי מחשבותיכם ולא דרכיכם דרכי נאם יהוה׃

דרכיו ראיתי וארפאהו ואנחהו ואשלם נחמים לו ולאבליו׃

הבן יקיר לי אפרים אם ילד שעשועים כי מדי דברי בו זכר אזכרנו עוד על כן המו מעי לו רחם ארחמנו נאם יהוה׃

ואעבר עליך ואראך מתבוססת בדמיך ואמר לך בדמיך חיי ואמר לך בדמיך חיי׃

ואעבר עליך ואראך והנה עתך עת דדים ואפרש כנפי עליך ואכסה ערותך ואשבע לך ואבוא בברית אתך נאם אדני יהוה ותהיי לי׃

איך אתנך אפרים אמגנך ישראל איך אתנך כאדמה אשימך כצבאים נהפך עלי לבי יחד נכמרו נחומי׃

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא׃

ישוב ירחמנו יכבש עונתינו ותשליך במצלות ים כל חטאותם׃

כי לכם ההבטחה ולבניכם ולכל הרחוקים לכל אשר קרא יהוה אלהינו׃

ועתה בישוע המשיח אתם הרחוקים מאז הייתם קרובים בדם המשיח׃

ויבא ויבשר שלום לכם הרחוקים והקרובים׃

וירץ עשו לקראתו ויחבקהו ויפל על צוארו וישקהו ויבכו׃

ויפל על צוארי בנימן אחיו ויבך ובנימן בכה על צואריו׃

ויאסר יוסף מרכבתו ויעל לקראת ישראל אביו גשנה וירא אליו ויפל על צואריו ויבך על צואריו עוד׃

ויבכו כלם בכי גדול ויפלו על צוארי פולוס וינשקו לו׃