5
הלא רעתך רבה ואין קץ לעונתיך׃
6
כי תחבל אחיך חנם ובגדי ערומים תפשיט׃
7
לא מים עיף תשקה ומרעב תמנע לחם׃
8
ואיש זרוע לו הארץ ונשוא פנים ישב בה׃
9
אלמנות שלחת ריקם וזרעות יתמים ידכא׃
10
על כן סביבותיך פחים ויבהלך פחד פתאם׃
11
או חשך לא תראה ושפעת מים תכסך׃
12
הלא אלוה גבה שמים וראה ראש כוכבים כי רמו׃
13
ואמרת מה ידע אל הבעד ערפל ישפוט׃
14
עבים סתר לו ולא יראה וחוג שמים יתהלך׃
15
הארח עולם תשמר אשר דרכו מתי און׃
16
אשר קמטו ולא עת נהר יוצק יסודם׃