וכבוא השמש הביאו אליו כל אשר להם חלים חליים שונים וירפא אותם בשומו את ידיו על כל אחד מהם׃

ולא יכל לעשות שם פלא רק על חלשים מעטים שם את ידיו וירפאם׃

ויוסף לשום את ידיו על עיניו ותפקחנה עיניו וירפא וירא הכל היטב עד למרחוק׃

נחשים ישאו בידיהם ואם ישתו סם המות לא יזיקם על חולים ישימו את ידיהם וייטב להם׃

וילך חנניה ויבא הביתה וישם את ידיו עליו ויאמר שאול אחי האדון ישוע הנראה אליך בדרך אשר באת בה שלחני למען תשוב ותראה ותמלא רוח הקדש׃

וירא אותם ויאמר אליהם לכו והראו אל הכהנים ויהי בלכתם ויטהרו׃

ויפל על פניו לרגליו ויודה לו והוא היה שמרוני׃

ופתאם ראה וילך אחריו הלך ושבח את האלהים וכל העם בראותם זאת נתנו תודה לאלהים׃

לדוד ברכי נפשי את יהוה וכל קרבי את שם קדשו׃

הסלח לכל עונכי הרפא לכל תחלאיכי׃

המשביע בטוב עדיך תתחדש כנשר נעוריכי׃

ישלח דברו וירפאם וימלט משחיתותם׃

ויזבחו זבחי תודה ויספרו מעשיו ברנה׃

אנה יהוה כי אני עבדך אני עבדך בן אמתך פתחת למוסרי׃

לך אזבח זבח תודה ובשם יהוה אקרא׃