מכרו את רכושכם ותנו צדקה עשו לכם כיסים אשר לא יבלו ואוצר בשמים אשר לא יגרע לעולם אשר גנב לא יקרב אליו וסס לא יאכלהו׃

אך אוי לכם העשירים כי כבר לקחתם את נחמתכם׃

גפן בוקק ישראל פרי ישוה לו כרב לפריו הרבה למזבחות כטוב לארצו היטיבו מצבות׃

הוי בצע בצע רע לביתו לשום במרום קנו להנצל מכף רע׃

אל תאצרו לכם אוצרות בארץ אשר יאכלום שם סס ורקב וגנבים יחתרו שם וגנבו׃

אבל תאצרו לכם אוצרות בשמים אשר סס ורקב לא יאכלום שם וגנבים לא יחתרו שם ולא יגנבו׃

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃

ויאצרו להם אוצר ליסוד טוב לעתיד שישיגו את חיי העולם׃

הוי העשירים בכו והילילו על הצרות אשר תבאנה עליכם׃

זהבכם וכספכם כסתם חלאה והיתה חלאתם בכם לעדות ואכלה כמו אש את בשרכם אצרתם לכם אוצרות בקץ הימים׃

לכן אם בממון העולה לא הייתם נאמנים את האמתי מי יפקיד בידכם׃

כנעצבים ובכל עת שמחים כרשים ומעשירי רבים כאשר אין להם מאומה ויש להם כל׃

ויגמלו טוב ויעשירו במעשים טובים לתת מהונם ולעזר לזולתם׃

ויאצרו להם אוצר ליסוד טוב לעתיד שישיגו את חיי העולם׃

שמעו אחי אהובי הלא בעניי העולם הזה בחר האלהים להיות עשירים באמונה וירשי המלכות אשר הבטיח לאהביו׃

ידעתי את מעשיך ואת צרתך ואת רישך ואולם עשיר אתה ואת גדוף האמרים יהודים אנחנו ואינם כי אם כנסית השטן׃