מה אהבתי תורתך כל היום היא שיחתי׃

מכל מלמדי השכלתי כי עדותיך שיחה לי׃

מכל ארח רע כלאתי רגלי למען אשמר דברך׃

מה נמלצו לחכי אמרתך מדבש לפי׃

נר לרגלי דברך ואור לנתיבתי׃

ישמע חכם ויוסף לקח ונבון תחבלות יקנה׃

בני אם תקח אמרי ומצותי תצפן אתך׃

כי אם לבינה תקרא לתבונה תתן קולך׃

אז תבין יראת יהוה ודעת אלהים תמצא׃

וצפן לישרים תושיה מגן להלכי תם׃

אז תבין צדק ומשפט ומישרים כל מעגל טוב׃

מזמה תשמר עליך תבונה תנצרכה׃

וארח צדיקים כאור נגה הולך ואור עד נכון היום׃

דרך רשעים כאפלה לא ידעו במה יכשלו׃

כי נר מצוה ותורה אור ודרך חיים תוכחות מוסר׃

נר יהוה נשמת אדם חפש כל חדרי בטן׃

לתורה ולתעודה אם לא יאמרו כדבר הזה אשר אין לו שחר׃

והולכתי עורים בדרך לא ידעו בנתיבות לא ידעו אדריכם אשים מחשך לפניהם לאור ומעקשים למישור אלה הדברים עשיתם ולא עזבתים׃

ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ׃

ויען ויאמר כי לכם נתן לדעת את סודות מלכות השמים ולהם לא נתן׃

כי מי שיש לו נתן ינתן לו ויעדיף ומי שאין לו גם את אשר יש לו יקח ממנו׃

ויאמר אליהם על כן כל סופר המלמד למלכות השמים דומה לאיש בעל הבית המוציא מאוצרו חדשות וישנות׃

ויאמר אליהם ראו מה אתם שמעים במדה אשר אתם מודדים בה ימד לכם ועוד יוסף לכם השמעים׃

כי מי שיש לו נתון ינתן לו ומי שאין לו גם את אשר יש לו יקח ממנו׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃

ולא נהיה עוד ילדים נגרשים ונדפים בכל רוח הלמוד בתרמית בני אדם ומקשותם אשר שתו להתעות׃

דבר האדון ישכן בקרבכם בשפע רב בכל חכמה ותלמדו ותעוררו את נפשכם בתהלות ותשבחות ושירות רוחניות ושירו ליהוה בנעימה בלבבכם׃

ומנעוריך ידעת את כתבי הקדש היכלים להחכימך אל הישועה על ידי האמונה במשיח ישוע׃

למען אשר יהיה איש האלהים תמים ומהיר לכל מעשה טוב׃

אך לשלמים המאכל הבריא אשר על פי ההרגל יש להם חושים מנסים להבדיל בין טוב לרע׃

אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו׃

ורבו בחסד ובדעת אדנינו ומושיענו ישוע המשיח אשר לו הכבוד גם היום וגם ליום העולם אמן׃