כל הבא אלי ושומע את דברי ועשה אתם אורה אתכם למי הוא דומה׃

דומה הוא לאיש בנה בית אשר העמיק לחפר וייסדו על הסלע וכבוא השטף פרץ הנהר בבית ההוא ולא יכל להניעו כי על הסלע יסודו׃

ויען ויאמר אליהם אמי ואחי הם השמעים ועשים את דבר האלהים׃

אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

הללו יה אשרי איש ירא את יהוה במצותיו חפץ מאד׃

אשרי תמימי דרך ההלכים בתורת יהוה׃

אף לא פעלו עולה בדרכיו הלכו׃

אחלי יכנו דרכי לשמר חקיך׃

שיר המעלות אשרי כל ירא יהוה ההלך בדרכיו׃

כה אמר יהוה גאלך קדוש ישראל אני יהוה אלהיך מלמדך להועיל מדריכך בדרך תלך׃

לוא הקשבת למצותי ויהי כנהר שלומך וצדקתך כגלי הים׃

לא כל האמר לי אדני אדני יבוא אל מלכות השמים כי אם העשה רצון אבי שבשמים׃

אז אענה בם לאמר מעולם לא ידעתי אתכם סורו ממני פעלי האון׃

וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃

ויען ויאמר אל האיש המגיד לו מי היא אמי ומי הם אחי׃

כי כל אשר יעשה רצון אבי שבשמים הוא אחי ואחותי ואמי׃

אם ידעתם זאת אשריכם אם כן תעשו׃

לכן הסירו מעליכם כל טנוף ותרבות רעה וקבלו בענוה את הדבר הנטוע בכם אשר יכל להושיע את נפשתיכם׃

כי האיש אשר רק שמע את הדבר ולא עשהו נמשל לאיש מביט את תאר הויתו במראה׃

אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו׃

אהובי אם לבבנו לא ירשיענו בטחון לנו באלהים׃

וזאת היא מצותו להאמין בשם בנו ישוע המשיח ולאהבה איש את רעהו כאשר צונו׃

אשרי העשים את מצותיו למען תהיה ממשלתם בעץ החיים ובאו העירה דרך השערים׃