והבית אשר תבאו בו שם שבו לכם ומשם צאו׃

וכל עיר וכפר אשר תבאו שמה דרשו מי הוא הראוי לזה בתוכה ושם שבו עד כי תצאו׃

ויאמר אליהם במקום אשר תבאו בית איש שבו בו עד כי תצאו משם׃

ותטבל היא ובני ביתה ותבקש ממנו לאמר אם חשבתם אתי נאמנה לאדון באו נא אל ביתי ושבו בו ותפצר בנו׃

ויעלם אל ביתו וישם שלחן לפניהם ויגל עם כל ביתו על היותו מאמין באלהים׃

ויצאו מן המשמר ויבאו אל בית לודיא ויראו את האחים ויזהירום וילכו לדרכם׃

ושמחתם לפני יהוה אלהיכם אתם ובניכם ובנתיכם ועבדיכם ואמהתיכם והלוי אשר בשעריכם כי אין לו חלק ונחלה אתכם׃

כי אם לפני יהוה אלהיך תאכלנו במקום אשר יבחר יהוה אלהיך בו אתה ובנך ובתך ועבדך ואמתך והלוי אשר בשעריך ושמחת לפני יהוה אלהיך בכל משלח ידך׃

השמר לך פן תעזב את הלוי כל ימיך על אדמתך׃

ולא תרמיל לדרך ולא שתי כתנות ולא נעלים ולא מטה כי שוה הפעל די מחיתו׃

האין רשות בידנו לאכל ולשתות׃

אם לי לבדי ולבר נבא לא נתנה רשות להבטל ממלאכה׃

הכי לפי דרכו של אדם אני מדבר כזאת הלא גם התורה אמרת כן׃

או אך למעננו מדבר אכן למעננו נכתב כי החרש יחרש אלי תקוה והדש ידוש אלי תקוה לקחת חלקו בתקוה׃

ואם לאחרים יש רשות עליכם הלא ביותר לנו אבל לא השתמשנו ברשות הזאת כי אם סבלנו את הכל לבלתי שום מעצור לבשורת המשיח׃

כן תקן אדנינו גם הוא אשר יחיו המבשרים על הבשורה׃

המלמד בדבר יחלק מכל טובו למלמדהו׃

לא שאבקש את המתן אך אבקש הפרי אשר ירבה בחשבנכם׃

ואני קבלתי את הכל ויש לי די והותר ואני נמלאתי ריח ניחח בקבלי מידי אפפרודיטוס את כל אשר שלחתם זבח ערב ורצוי לאלהים׃

הזקנים המיטיבים לנהל ראוים הם למשנה כבוד וביותר העמלים בדבר ובהוראה׃

כי הכתוב אמר לא תחסם שור בדישו ועוד נאמר הפעל שוה בשכרו׃

האכר העבד הוא יאכל ראשונה מפרי האדמה׃

חביבי באמונה כל מעשיך עם האחים ועם הארחים׃

כי בעבור שמו יצאו ולא לקחו מאומה מן הגוים׃

ועוד בהיותן עצלות למדו לשוטט מבית לבית ולא לבד עצלות כי אף מפטפטות ורדפות אחר חדשות ומדברות את אשר לא יתכן׃