ואברכה מברכיך ומקללך אאר ונברכו בך כל משפחת האדמה׃

ויאמר אלהים אבל שרה אשתך ילדת לך בן וקראת את שמו יצחק והקמתי את בריתי אתו לברית עולם לזרעו אחריו׃

והתברכו בזרעך כל גויי הארץ עקב אשר שמעת בקלי׃

והרביתי את זרעך ככוכבי השמים ונתתי לזרעך את כל הארצת האל והתברכו בזרעך כל גויי הארץ׃

והיה זרעך כעפר הארץ ופרצת ימה וקדמה וצפנה ונגבה ונברכו בך כל משפחת האדמה ובזרעך׃

זרע אברהם עבדו בני יעקב בחיריו׃

זכר לעולם בריתו דבר צוה לאלף דור׃

ויעמידה ליעקב לחק לישראל ברית עולם׃

נשבע יהוה לדוד אמת לא ישוב ממנה מפרי בטנך אשית לכסא לך׃

כי בחר יהוה בציון אוה למושב לו׃

צידה ברך אברך אביוניה אשביע לחם׃

שם אצמיח קרן לדוד ערכתי נר למשיחי׃

הן לפי הבשורה שנואים הם למענכם אך לפי הבחירה חביבים הם למען האבות׃

כי לא ינחם האלהים על מתנותיו ועל קריאתו׃

והנה לאברהם נאמרו ההבטחות ולזרעו ולא אמר ולזרעיך כאלו לרבים אלא כאלו ליחיד ולזרעך והוא המשיח׃

וזאת אני אמר כי דיתיקי אשר קימה האלהים מאז לימות המשיח לא תוכל התורה אשר באה אחרי ארבע מאות ושלשים שנה להפר אותה ולבטל את ההבטחה׃